Jump to content

Wb/nia/Efeso/4

Add links
From Wikimedia Incubator
< Wb | nia | Efeso
Wb > nia > Efeso > 4

Famarou ba wahasara dödö

[edit | edit source]

I. 1 Ba u'andrö khömi, ya'o nikuru andre, ba khö Zo'aya, ena'ö mitörö zi nangea lala nikaoni andrö, meno mukaoni ami. [1] 2 Ya a'oi so wa lö fayaŵa ami, awö wa'asökhi dödö, awö wa'ebolo dödö, mibologö dödömi khö nawömi, mi'omasi'ö ia;[2] 3 mi'oigö dödömi, ena'ö lö tebulö wa ha sara dödö, ena'ö faböbö ami, famaböbö fa'atulö andrö:[3] 4 Ha sambua mboto, ba ha sambua dödö, si mane fogaoni ya'ami göi, ba zi ha sara fanötöna, ba nikaoni ya'ami.[4] 5 Ha samösa Zo'aya, ha sambua wamati, ha sambua wamayagö idanö;[5] 6 ha sambua Lowalangi ba Amara fefu, yaŵara fefu, ba sanörö ya'ira fefu, ba ba dödöra fefu. [6] 7 Ba dozi ita, ba no mube'e wa'ebua dödö andrö, dali ndrohu-ndrohu mbuala Keriso andrö;[7] 8 andrö imane sama'ele'ö: "No numalö ia miyaŵa, ba no i'ohe nikuru, ba no mamuala ia ba niha."[8] 9 Ba hadia geluaha, wa "no numalö ia miyaŵa", na tenga wa "no numalö ia mitou göi ua, ba mbanua tou?[9] 10 Si no numalö mitou andrö, da'ö göi zi no numalö miyaŵa, yaŵa zorugo fefu, ena'ö ifo'ahonoa fefu, hadia ia.[10] 11 Ba ya'ia göi zangohonogöi: sinenge ösa, ba sama'ele'ö ösa, ba sangombakha turia somuso dödö ösa, ba kubalo ösa, ba samahaö,[11] 12 ba wangehao ni'amoni'ö andrö, ba halöŵö andrö, nihalö, ba wama'anö boto Keriso andrö,[12] 13 ena'ö oi takhamö, fa ha sara dödö wamati, ba fa'aboto ba dödöda Nono Lowalangi, fa ira matua, si no mo'ahonoa, ita, dali ndrohu-ndrohu wa'ebua Keriso andrö, si no mo'ahonoa.[13] 14 Böi sa'ae iraono ita, nifaheu-heu ba nifangörö-ngörö ba nangi wamahaö andrö, fefu, hadia ia ngawalö, moroi ba walimosa niha, moroi ba wa'onekhe, ba wolohe ba gowöhöna;[14] 15 ena'ö na atulö ita, ba wa'omasi andrö, ba ena'ö na manöi fefu hadia ia, ba khönia, si no tobali högö, Keriso.[15] 16 Ba khönia mobörö, wa tefa'anö mboto andrö, ma'asambua, awö wa tefaböbö, ba wamakhai andrö fefu, ba dolo-tolo andrö, dali wa'abölö andrö, ba zi no motana zambuana, ena'ö tobali boto, ba wa'atedounia, ba wa'omasi.[16]

Famarou ba gera-era si bohou

[edit | edit source]

II. 17 Ba da'ö niwa'ögu, ba ufaduhu'ö, ba khö Zo'aya, ena'ö amuatami andrö, ba böi sa'ae si mane amuata niha baero göi, ba waya-faya dödöra andrö,[17] 18 si no mu'ogömi-gömisi tödö, si no olifu wa'auri andrö, khö Lowalangi, ba wa lö aboto ba dödöra, ba wa'abe'e dödöra andrö, 19 sanörö lala hokha, me no mate bakha dödöra, ba wamalua si lö sökhi andrö, fefu, ba wa tebai abuso.[18] 20 Ba ya'ami, ba tenga si manö wanöngönimi Keriso,[19] 21 na no mirongo atö ia, ba na no mufahaö ami, ba khönia, wa khö Yesu so zi duhu,[20] 22 wa niheta niha si tohöna andrö khömi, ba lala föna andrö, samakiko ya'ia, ba wangisö andrö, ba wa'elungu.[21] 23 Ba nibohouni ami, ba gera-era dödömi andrö,[22] 24 ba mi'onukha niha si bohou andrö, nibe'e famaedo Lowalangi, wamazökhi ya'ia, ba wa'atulö dödö ba ba wa'ohau-hau, ba zi duhu.[23] 25 Andrö miböhöli waya, faoma si duhu milau khö nawömi, me no faoma ndroto-ndroto ita.[24] 26 Na mofönu, ba böi mifazökhi horö; böi mi'ekhugö luo ba wönumi.[25] 27 Ba böi mifonaha Gafökha.[26] 28 Si no managö-nagö, ba böi yamanagö-nagö sa'ae, ba yamohalöŵö, yamufazökhi zi sökhi, tangania, ena'ö so khönia, ba wame'e ba zi numana.[27] 29 Böi alua ba mhewemi wehede si lö sökhi, he ha sambua li; hadia zonahia, ba wanga'azökhi, na moguna, ena'ö omasi zamondrongo.[28] 30 Ba köi mibusi dödö Geheha ni'amoni'ö andrö, fangaromi, ba luo wangorifi andrö.[29] 31 Fefu ngawaiö wotötöisa, ba fa'abao dödö, ba fönu ba fagua-guasa, ba fanandraŵa, ba yatebato khömi, awö fefu, hadia ia zi lö sökhi.[30] 32 Ba faoma mihaogö-haogö khö nawömi, faoma mihakhösi tödö, faoma mibe'e aefa zala nawömi, si mane fangefa'ö Lowalangi khömi göi, ba khö Keriso.[31]

Famotokhi ba gahe

[edit | edit source]
  1. ↑ Faigi 3:1; 6:20; Kol 1:10; TesI 2:12
  2. ↑ Kol 3:12; Rom 12:10
  3. ↑ Kol 3:13,14; Rom 12:16
  4. ↑ Rom 12:5; KorI 12:13,27
  5. ↑ Mat 23:8
  6. ↑ Faigi 3:14,15; KorI 8:6; Mal 2:10
  7. ↑ Rom 12:3,6; FetI 4:10
  8. ↑ Sin 68:19
  9. ↑ FetI 3:19; Mat 12:40
  10. ↑ Yoh 3:13
  11. ↑ KorI 12:28; HalZin 21:8; FetI 5:2
  12. ↑ Faigi 2:22
  13. ↑ Faigi 3:18,19; Luk 6:40
  14. ↑ KorI 3:1; Kol 2:8
  15. ↑ Faigi 3:17; 3:23; Kol 2:19
  16. ↑ Faigi 2:21; Rom 12:4 b.t.; KorI 12:12 b.t.
  17. ↑ Rom 1:21; FetI 4:3
  18. ↑ Rom 1:24 b.t.
  19. ↑ Tit 2:11,12
  20. ↑ Yoh 1:17
  21. ↑ Kol 3:8 b.t.
  22. ↑ Rom 12:2
  23. ↑ Kol 3:10; Rom 13:14
  24. ↑ Sakh 8:16; Kol 3:9
  25. ↑ Sin 4:5; 37:8; Yak 1:19,20
  26. ↑ Yak 4:7
  27. ↑ TesI 4:11
  28. ↑ Faigi 5:4; Mat 12:36; Kol 4:6; 3:16
  29. ↑ Faigi 1:13,14
  30. ↑ FetI 2:1
  31. ↑ Kol 3:12,13; Mat 18:35

Fabaliŵa lala

[edit source]

Olayama Zura Efeso: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Efeso/4&oldid=6229817"