Jump to content

Wb/nia/Efeso/3

Add links
From Wikimedia Incubator
< Wb | nia | Efeso
Wb > nia > Efeso > 3

Halöŵö Waulo ba niha baero

[edit | edit source]

I. 1 Andrö ya'o, Faulo, nikuru andrö khö Keriso, börö ami, ya'ami niha baero föna[1] 2 na no mirongo nihonogöi Lowalangi, ba wa'ebua dödönia andrö, nibe'e ba dangagu, ba khömi andrö,[2] 3 wa no mu'oroma'ö khögu zi no tobini andrö, ba wama'ele'ö, nitörö ligu mege ma'ifu. [3] 4 Ba da'ö tola mi'ila wa'aboto ba dödögu zi no tobini andrö, khö Keriso, na mibaso,[4] 5 si lö mu'oroma'ö ba nono niha, ba götö föna, si mane fangoroma'ö ya'ia iada'e, ba zinengenia ba ba zama'ele'ö andrö khönia, ni'amoni'ö, ba Geheha,[5] 6 wa nifanema göi niha baero, ba gondröita andrö, wa no ndroto-ndroto göi ira ba sanema, ba gamabu'ula li andrö, ba khö Keriso Yesu, moroi ba duria somuso dödö andrö. 7 Ba da'ö no tobali enoni ndra'o, dali mbuala andrö fa'ebua dödö Lowalangi, nibe'e khögu, balazi wolaunia, ba wa'abölönia,[6] 8 ya'o, fondrege zide-ide ni'amoni'ö, si no falukha fa'ebua dödö andrö, ba wangombakha ba niha baero, wa no a'oi so khö Keriso, wa no lö famaedo,[7] 9 ba ba wamotokhi ba dödöra, he wisa nihonogöi, ba zi no tobini andrö, si no mubini'ö, götö-götö wa'ara, ba dödö Lowalangi, somböi fefu hadia ia.[8] 10 Ena'ö te'oroma'ö iada'e ba zamatörö andrö ba ba zalaŵa andrö, ba zorugo, ba mbanua Keriso andrö, zi siŵa mbalö wa'atua-tua Lowalangi andrö,[9] 11 dali gera-era andrö, si no götö-götö wa'ara, nifaluania ba khö Keriso Yesu, So'aya ya'ita,[10] 12 ba zi so khöda wa lö aiŵö, awö lala, ba wanötöna, moroi ba wamati andrö khönia. [11] 13 Andrö u'andrö, ena'ö lö atage ndra'o, ba wamakao andrö khögu, salahimi; si tobali lakhömimi.[12]

Fangandrö salahi mbanua Nefeso

[edit | edit source]

II. 14 Andrö ubalöduhini tou danö, föna Nama,[13] 15 ba zoroi töi soi fefu, he ba zorugo, ba he ba guli danö, 16 ena'ö ibe'e khömi, moroi ba lakhöminia andrö, si no a'oi so, fa tedou wa'abölömi, moroi ba Gehehania, ba niha bakha andrö; [14] 17 ena'ö monahia Keriso ba dödömi, ba wamati andrö,[15] 18 ena'ö soŵa'a ami, ba wa'omasi, ba nifodane-dane, ena'ö tola aboto ba dödömi, awö ni'amoni'ö andrö fefu, he wisa wa'ebolo, ba he wisa wa'anau, ba he wisa wa'abakha, ba he wisa wa'alaŵa, 19 ba ena'ö aboto ba dödömi wa'omasi Keriso andrö ita, si tebai aboto ba dödö niha mena'ö, ena'ö tehöna khömi zi no fahöna andrö khö Lowalangi, fefu.[16] 20 Ba ya'ia, sangila manalu'i na fefu hadia ia, wolau, fa aröu italu'i ni'andröda, awö zi faböbö ba gera-erada, dali wa'abölö andrö, si no abölö ba dödöda,[17] 21 ya'ia nifosumange ba mbanua andrö, ba ba khö Keriso Yesu, götö-götö wa'ara, irugi zi lö aetu! Yaduhu.[18]

Famotokhi ba gahe

[edit | edit source]
  1. ↑ Faigi 4:1; HalZin 21:33; TimII 1:8
  2. ↑ Gal 2:7 b.t.
  3. ↑ Faigi 1:9 b.t.; Gal 1:12
  4. ↑ Rom 16:25 b.t.
  5. ↑ KorI 2:10
  6. ↑ Rom 1:5
  7. ↑ KorI 15:9,10
  8. ↑ Kol 1:15 b.t.; Rom 16:25
  9. ↑ FetI 1:12
  10. ↑ Faigi 1:4,9
  11. ↑ Faigi 2:18; Heb 4:16
  12. ↑ TesI 3:3; Kol 1:24
  13. ↑ Faigi 1:3
  14. ↑ Faigi 6:10; Kol 1:11 b.t.
  15. ↑ Yoh 14:23
  16. ↑ Kol 2:2 b.t.
  17. ↑ Rom 16:25 b.t.
  18. ↑ Fil 4:20

Fabaliŵa lala

[edit source]

Olayama Zura Efeso: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Efeso/3&oldid=6229816"