Wb/nia/Efeso/1
Fangowai[edit | edit source]
I. 1 Faulo zanura da'e, sinenge Keriso Yesu, moroi ba nilau dödö Lowalangi, ba ni'amoni'ö andrö, si so ba Nefeso, ba zamati khö Keriso Yesu.[1] 2 Yafalukha ami wa'ebua dödö, ba fa'ohahau dödö, khö Namada Lowalangi ba khö Zo'aya ya'ita, Yesu Keriso[2]
Fangandrö saohagölö[edit | edit source]
II. 3 Nisuno Lowalangi Zo'aya ya'ita, Yesu Keriso, Amania, si no mamahowu'ö ya'ita, fefu ngawalö wamahowu'ö Geheha andrö, ba zorugo, ba khö Keriso.[3] 4 Itörö wanutuyunia ya'ita, ba khönia andrö, föna wolata danö, ena'ö sohau-hau ita, si lö sinegu, fönania.[4] 5 Moroi ba wa'omasinia ita, wa no ihönagö ihonogöi, ena'ö ono ita khönia, moroi khö Yesu Keriso, dali zomasi ia, nilau dödönia; [5] 6 ba wanuno lakhömi wa'ebua dödönia, ni'amualagönia khöda, ba zomasi ia andrö.[6] 7 Ba da'ö so khöda wangöhöli andrö, ba ndronia, fangefa lalö andrö, dali wa no a'oi so wa'ebua dödönia,[7] 8 nihönania fangoroma'ö khöda, ba ngawalö wa'atua-tua fefu, ba ba ngawalö wa'aboto ba dödö, 9 noa sa ibokai khöda si no tobini andrö, nilau dödönia, dali zomasi ia, nihonogöinia tödönia,[8] 10 nifatörönia ba ginötö ndröfi andrö, ba wamarahugö fefu, hadia ia, ba khö Keriso, he si so ba zorugo, ba he si so ba guli danö, ba khönia.[9] 11 Ba da'ö tasöndra göi dana khöda andrö, ya'ita nihonogöi föna sa'ae, dali nihuku zamalua fefu, hadia ia, ba gera-era nilau dödönia andrö, [10] 12 ena'ö fanuno lakhöminia ita, ya'ita, si no tohöna manötöna khö Keriso.[11] 13 Ba da'ö göi so ami, me no mirongo daroma li si duhu andrö, turia somuso dödö andrö, fangorifimi, ba ba da'ö te'a'aro'ö göi ami, Eheha ba gamabu'ula li andrö, ni'amoni'ö, me no mamati ami.[12] 14 Eheha andrö we'e-we'e dödö, ba gondröita andrö khöda, ba wangorifi tana khönia andrö, ba wanuno lakhöminia andrö.[13]
Fangandrö haga[edit | edit source]
III. 15 Andrö ya'odo göi, me no urongo wamati andrö, ba khömi, khö Zo'aya ya'ita, Yesu, ba fa'omasimi ni'amoni'ö andrö fefu,[14] 16 ba lö ubato wangandrö saoha gölö, ba khömi andrö, itörö ligu, ba wangandrögu,[15] 17 ena'ö ibe'e khömi Geheha ba wa'atua-tua andrö Lowalangi Zo'aya ya'ita andrö, Yesu Keriso, Ama lakhömi andrö, Eheha ba wama'ele'ö, ba wa'aboto ba dödömi ia. 18 Ena'ö tefehaga hörö dödömi, fa mi'ila hadia dötönafö, ba wogaoninia andrö, 19 ba he wisa, wa no a'oi so lakhömi gondröitania andrö, ba ni'amoni'ö andrö, ba he wisa ginötö wa'abölönia andrö, si no fahöna, ba khöda, samati, dali wolaunia ha wa'abe'e wa'abölönia andrö.[16] 20 Da'ö zi no i'oroma'ö ba khö Keriso, me isusugi moroi ba ngai zi mate, ba me ifedadao ba gambölönia, ba zorugo,[17] 21 alaŵa yaŵa zamatörö andrö fefu, ba yaŵa zalaŵa andrö, ha yaŵa zabölö, ba yaŵa zo'aya andrö, ba yaŵa zi so töi, fefu, nitötöi, tenga ha ba götö danö da'e, ba götö dania göi.[18] 22 Ba no ibe'e barö gahenia fefu, hadia ia, ba no ibe'e högö hadia ia fefu ia, ba mbanua andrö,[19] 23 si no tobali botonia, ahonoa zamo'ahonoa fefu hadia ia, ba khöra fefu.[20]
Famotokhi ba gahe[edit | edit source]
- ↑ KorI 1:2; HalZin 19
- ↑ Rom 1:7
- ↑ KorII 1:3
- ↑ Faigi 3:11; TimII 1:9; Kol 1:22
- ↑ Faigi 2, 4. Rom 8, 29
- ↑ Rom 3:24; Mat 3:17
- ↑ Kol 1:14; FetI 1:18; Efes 2:7; Rom 9:23
- ↑ Faigi 3:9 b.t.
- ↑ Kol 1:20
- ↑ Faigi 1:4; Rom 8:28 b.t.
- ↑ HalZin 26:6,7
- ↑ Kol 1:5,6; KorII 1:22
- ↑ Faigi 4:30; KorII 5:5
- ↑ Kol 1:3, 4
- ↑ Fil 1:3
- ↑ Faigi 3:7,20; Kol 2:12
- ↑ FetI 3:22; Sin 110:1
- ↑ Fil 2:9 b.t.
- ↑ KorI 15:27; Efes 4:15; 5:23
- ↑ Faigi 3:19; KorI 12:27; Kol 2:9
Fabaliŵa lala[edit source]
Olayama Zura Efeso: 1 • 2 • 3 • 4 • 5 • 6
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö