Template:Wn/cdo/Proverbs in news HAN/Archive
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
2017年
[edit source]12月
[edit source]「搓𥻵之搓搓。」
對福州儂來講，除𡅏春節，無什乇比冬節重要。遘茲蜀日，福州儂愛食𥻵。秫米粉搓成丸囝，之後放雅灴其水𡅏煮熟，敆芝麻花生粉𡅏簸蕩𥻵，食去復甜復香。每年都敆厝做𥻵其林依姆冬至都是雅歡喜，「我其女囝平常外斗忙，冬至乍有時間行我厝裏做節。」
2018年
[edit source]3月
[edit source]「有元宵，無中秋；有中秋，無元宵。」
如果元宵節會看見月，中秋節一定多雲或者逿雨，反之亦然。茲蜀條諺語實際是講福州會看見日頭時間共逿雨其時間差不多儕。
根據中國中央氣象臺消息，正月十六（3號3號）福州市區共邊兜縣市大部分是多雲，無逿雨。市區溫度27℃遘13℃。
根據中國中央氣象臺消息，正月十六（3號3號）福州市區共邊兜縣市大部分是多雲，無逿雨。市區溫度27℃遘13℃。
「驚蟄未遘雷先發，七七四十九不見天。」
每蜀年驚蟄左右，都會聽見蜀年臺中頭蜀聲雷公響。如果驚蟄之前拍雷公，說明茲蜀年暖濕氣流雅活，逿雨時間雅長。也講「驚蟄未遘雷先發，會逿七七四十九天。」
根據中國中央氣象臺消息，3月5號福州市區共邊兜縣市大部分逿中雨，拍雷公。4號中午，福州市倉山區聽遘了頭蜀聲雷公響。
根據中國中央氣象臺消息，3月5號福州市區共邊兜縣市大部分逿中雨，拍雷公。4號中午，福州市倉山區聽遘了頭蜀聲雷公響。
4月
[edit source]「食信老鼠——七處躍。」
信，就是火藥。茲蜀句俗語是講儂伓聽喙，躃躃動，真像食去火藥其老鼠囝。
2018年福建高三省質檢其語文題目考了東北話，講蜀隻伲囝真像「大馬猴」，意思就共茲蜀條福州話俗語蜀樣。茲萆東北話選項也敆網絡懸頂大傳，學生掏「大馬猴」編故事，或者做表情包，表達自家其感受。
2018年福建高三省質檢其語文題目考了東北話，講蜀隻伲囝真像「大馬猴」，意思就共茲蜀條福州話俗語蜀樣。茲萆東北話選項也敆網絡懸頂大傳，學生掏「大馬猴」編故事，或者做表情包，表達自家其感受。
6月
[edit source]「芒種逿雨燬燒街，夏至逿雨濫蒲蒲。」
芒種若逿雨，茲蜀年就會盡去野熱，野乾旱。夏至若逿雨，茲蜀年就共前兜講其𣍐蜀樣了。
6月開始，福州受遘風颱其影響，稠稠逿雨。5號，福州市氣象部門講，風颱敆之後其5日都𣍐影響福州。故講7號開始雨就無前幾日許蠻大了，福州大部分地方都是多雲。7號也是中國大陸高考其頭蜀工。
6月開始，福州受遘風颱其影響，稠稠逿雨。5號，福州市氣象部門講，風颱敆之後其5日都𣍐影響福州。故講7號開始雨就無前幾日許蠻大了，福州大部分地方都是多雲。7號也是中國大陸高考其頭蜀工。
7月
[edit source]「風颱儥大，回南倒大。」
風颱是逆時針氣旋，如果登陸點敆福州北勢，前鋒過境拍西北風，中心過後拍南風夾暴雨，福州人就告伊「回南」。回南其時候，大雨成災，情況比起風颱登陸故呆。
7月11號早頭9點15分，第8號風颱「瑪利亞」敆福州連江縣黃岐半島沿海登陸，登陸其時候中心附近最大風力有14級（42米/秒）。 風颱登陸之前，連江縣已經敆𡅏拍風盪雨。風颱罔近，風雨罔大。大風掀起浪，幾米懸。雨密密麻麻，拍遘陸地。海水倒灌裏霞浦，主幹道懸頂其積水會積遘骹腹頭。近海其村裏，雨水趁檻門囝其玻璃隙隙漏裏厝，毛巾都無乇使了。
7月11號早頭9點15分，第8號風颱「瑪利亞」敆福州連江縣黃岐半島沿海登陸，登陸其時候中心附近最大風力有14級（42米/秒）。 風颱登陸之前，連江縣已經敆𡅏拍風盪雨。風颱罔近，風雨罔大。大風掀起浪，幾米懸。雨密密麻麻，拍遘陸地。海水倒灌裏霞浦，主幹道懸頂其積水會積遘骹腹頭。近海其村裏，雨水趁檻門囝其玻璃隙隙漏裏厝，毛巾都無乇使了。
10月
[edit source]「纏儂骹，絆儂手。」
兹蜀句話是講關縛手骹，讓儂𣍐好行動。比喻乞儂添麻煩。
日本有蜀隻女界自殺，在生時候共蜀隻招聘廣告公司有外包僱傭關係。10月17號，死者其厝裏儂共兩隻以前其同事向東京地方法院提起訴訟，認爲死者是乞總經理欺去，要求總經理賠損失費共固未發其工資。原告講，總經理「使欠數夾勒」伊儂，無發工資，監視伊儂其生活，固罵伊儂「㑚是活𡅏就敆𡅏纏儂骹」。
日本有蜀隻女界自殺，在生時候共蜀隻招聘廣告公司有外包僱傭關係。10月17號，死者其厝裏儂共兩隻以前其同事向東京地方法院提起訴訟，認爲死者是乞總經理欺去，要求總經理賠損失費共固未發其工資。原告講，總經理「使欠數夾勒」伊儂，無發工資，監視伊儂其生活，固罵伊儂「㑚是活𡅏就敆𡅏纏儂骹」。