Wn/cdo/福州儂食𥻵做冬節

From Wikimedia Incubator
< Wn‎ | cdoWn > cdo > 福州儂食𥻵做冬節
Jump to navigation Jump to search
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.

【2017年12月22號訊】

File:Si with Oranges.jpg
𥻵共福橘(資料圖)

今旦(12月22號)是二十四節氣其冬至。共「做半段」同蜀樣,對福州儂來講,除𡅏春節,無什乇節日比茲蜀日重要。

「搓𥻵之搓搓,依奶疼依哥;依哥討依嫂,依弟單身哥。……」福州市台江區中亭街後頭其小路蜀邊,「耳聾伯」元宵店已經有蜀百多年歷史。「每遘冬至,買𥻵其儂就變価去了。」老板搓濕秫米粉,動作野駃,搓成丸囝,之後放野灴其水𡅏煮熟,敆芝麻花生粉𡅏簸蕩𥻵,食去復甜復香。

「厝裡做有仂囝麻煩,就直直去裏來買了哇。」市民李先生講。但固価其儂愛敆厝做𥻵,「也𣍐仈快勢著食,傳統其乇固是自家做野好食。」每年都敆厝做𥻵其林依姆冬至都是野歡喜,「我其女囝平常外斗忙,冬至乍有時間行我厝裏做節。」

除𡅏主角「𥻵」,福州儂也會祭祖、釀酒。以前也有摜火籠(蜀種取暖工具)其習俗,時代發展了,茲種習俗已經逐漸淡出福州儂其生活。

冬至茲蜀日,日頭直射南回歸線,北半球白晝最短,黑夜最長。之後白晝慢慢變長,春天,也就來了。

消息來源[edit]

原創報導
這報導有維基記者第一手新聞。可以看討論頁了解詳情。
Wikipedia-logo.png
汝可以敆維基百科𡅏看蜀看共這新聞有關係其條目: