Wt/zea/Wiktionary:Lieste van Swadesh (West- en Oôst-Vlaems)
West- en Oôst-Vlaems bin tweê dialectgroepen die-a meêsta toet 't Nederlands ôre gerekend, awast maekt 't West-Vlaems wè anspraek op 'n statuut as eigen taele. De dialecten bin verwant an mekaore en (veraol in 't gevaol van West-Vlaems) ok an 't Zeêuws. Butendien ore d'r OÔst-Vlaemse dialecten gesproke in 't Land van 'Ulst, dat wil zeie 't oôsten van Zeêuws-Vlaonderen. Ka je dus wè zeie dan deze dialecten belangriek bin vò 't Zeêuws.
West-Vlaemse dialecten laete d'r eige verdêle in Noôrdelijk West-Vlaems (Brugge en omgevinge; ok Oôstende), Westelek West-Vlaems (Ieper en omgevinge, ok Frans-Vlaonderen) en Oôstelijk of Binnelands West-Vlaems (Kortriek en [veraol westelijke] omgevienge). Me neme 'ier van ielk dialect 't type op, mee 't Oôstends as extraatje. De verdêlienge van 't Oôst-Vlaoms is vee complexer. 't Beste wat je d'rvan kan zeie is dat 't van west naer oôst aosmae meêr op 't Braebants gae trekke en minder op 't West-Vlaems. Gent is 'n uutzonderienge; 't Gents ei vee meêr Braebantse trekken as da je verwachte zou bie 'n stad in 't midden van de provincie.
Bie 't Land-van-'Ulsters bin men uutvoeriger as bie aore dialecten. D'r bin soms sterke verschillen tussen de taele van de stad en de dieë van 't platteland; in zò'n gevaollen bin aollebei de vurmen opgegeve.
De spellienge van de West-Vlaemse woôrden volgt de West-Vlaemse Wikipedia, mee 'ier en dae wat anpassiengen. Dit beteikent onder meêr dat d' ou geleze moe ôre as 'n korte 'oe' en de oe as 'n lange 'oe' mee (dikkels) 'n lichte naeslag. De spellienge van 't Oôst-Vlaems in Zeêland volg de Noe-spellienge, dat wil zeie 'n angepaste vurm van de WZD-spellienge. Bie de dialecten op Belgs grondgebied is dat nie altoos 'aelbaer, soms moe me lavêren tussen de systemen van verschillende woôrdenboeken om d'eên'eid 'n bitje te bewaeren.
De dialecten uut 't Zuudoôsten van de provincie Oôst-Vlaenderen (Geraardsbergen, Ninove, Aalst, Dendermonde) bin Braebants van aerd en stae 'ier dan ok nie bie.
| Nommer | Zeêuws | Brugs | Oôstends | Iepers | Kortrieks | Westelek Oôst-Vlaems | Gents | 'Ulsters | Waoslands |
|---|---|---|---|---|---|---|---|---|---|
| 1. | ikke, ik | ik, ikke | ik, ikke | ||||||
| 2. | jie, je | gie, je | gie, ge | gè, ge | gaai, ge | gai, ge | gè, ge | ||
| 3. | 'ie, 'n | y, je | y, 'n, e | y | 'è | 'aai, 'n | 'ai | 'è | |
| zie, ze | zy, ze | zè, ze | zaai, ze | zai, ze | zè, ze | ||||
| 4. | oôns | mynder | wynder | wulder | wai, we | wè, we | |||
| 5. | julder | gynder | julder | gulder | gulder, guldere | gulder | |||
| 6. | 'ulder | zynder | ulder | 'ulder | |||||