Wp/vmf/Karbfn
Der Karbfn (Cyprinus carpio) is a Säisswasserfiisch, der wou vur allem in ruhiche Gwässer wäi Deiche, Seen un langsam fließende Bereiche vo Fliss lebbd. Er wärd normolerweis zirrga 30-40 cm lang, kann obber sugoar in einzelne Fäll ieber an Meder lang un 40 kg schwer werrn. Der Karbfn is a beliebder Speisefiisch un wärd gern an Weihnochdn odder zu Silfester gessn. In Franggn hodds Karbfnessn a grouße Dradidion. Ans vo däi bekanndesdn Karbfngebiede, des wou miid derzeid ieber 7.000 Deiche zu däi grässdn Deichgebiede in Daidschland zilld, is der Aischgrund, der wou im Schdäddedreiegg Nämberch—Bamberch—Neischdadd lichd.
Der Karbfn hodd dradidionell vo Sebdember bis Abril (in alle Monad miid an „r“) Saison un schdäid dann in däi massdn fränggischn Gasdschdäddn af der Speisekarddn. Servierd wärd er baggng – alzo banierd un massdns miid an Bodaggnsalod als Beilooch, „blau“ (kochd in an Weißweinessichsud) odder graicherd.
Im Nedz
[edit | edit source]