Wp/sli/Oadelsbach

Schlooß Oadelsbach

Oadelsbach oder Oadelsboach (deutsch: Adelsbach, pulsch: Struga) ies anne Urtschoaft ei der Niederschläsing. Oadelsbach leit ei der Gemeende Aalt-Reichnau eim Landkrees Walmbrich ei der pulscha Woiwodschoaft Niederschläsing. Oadelsbach hoot 859 Eiwohner.

Geschichtla

Doas Darfla ies im 13ta oder 14ta Joahrhundert gebaut woarn. Genaue Underloaga sein keene mehr verhanden, sein durch dauernda Besitzwechsel verlorn geganga. 1376 ward zum arschtamoll die Karche erwähnt. Ob se domoals asu ausgesahn hoat wie heute, ies ungewiß. Scheinboar stoammt dar Zwiebelturm no vu domoals. Doas Oadelsboacher Schlooß ies im 16ta Joahrhundert gebaut woarn. Architekt woar a italjenscher Baumeester. Ei Erzählunga heeßt's immer, daß doas Schlooß mit der Zeißburg unterirdisch verbunda gewast ies, oaber woas genaues ies nee bekannt.