Wp/sdh/دەسپێک

From Wikimedia Incubator
< Wp‎ | sdhWp > sdh > دەسپێک
Jump to navigation Jump to search
خوەش هاتینە ویکیپیدیا
زانستنامەێگ ئازاد ک گشت کەسێگ تۊەنێد وێراشتەێ بکەێد
۵۷۲ وەتار وە زوان کوردی (خوارین)

وەتار هەفتە

نەخشەێ ئیتاڵیا ١٨٣٩

دیرووک ئیتاڵیا، لە سەردەم زۊنە یوونانیەیل زۊنە، ئترۆسکیەگان و سلتیەگان وە تەرتیب لە بەش باشوور، ناوەند و باکوور ئیتاڵیا نیشتەجێ بۊن، لەحاڵێگ ک عەشیرەیل ئیتاڵیایی و مەردمەیل ئیتاڵی نیمچەدوورگەێ ئیتاڵیا و ئیتاڵیاێ دوورگەیی کردۊنە میلکان. عەشیرەێ ئیتاڵی ک لە لاتینەگان بۊ شار ڕۆم سازی و کردەی شوون پاشایەتی خوەی، ک لە دۊاتر بۊ وە کۆمار ڕووم ک لە سەدەی سێوەم وەرلە زایین مەسیح ئیتاڵیا یەکگرتیەو کرد، و دۊاتر لە ئاکام سەرکەفتنەیل سەردارەیل ڕوومی جوور ئسکیپییۆ، ئایمیلیووس پائوولووس، ئسکیپییۆ ئایمیلیانووس، گایووس ماریووس، لووسیووس سوولا، پۆمپەی و ژوولیووس سێزار بۊ وە هاز سەرەکی و زاڵ لە ئرووپا و دەلیاێ مەدیترانە. لە ساڵ ٢٧ وەرلە زایین، ئاگۆستووس ئمپراتووری ڕووم دامەزراند و دەورەێ ئاشتی ڕوومی (پاکس ڕۆمانا) خستە ڕێ ک ئەڕاێ دو سەدە وەنسبەت ئاشتی و پایاری بۊ و ئیتاڵیا لەی دەورە چۊ ناوەند سیاسی و ئابووری جهان ناسیاێ لەو سەردەم، ئاوەدانەو بۊ.

(فرەتر...)

لە ھەواڵەگان

  • ٣ ڕێبەندان: ٧ دیاردەێ فەرهەنگی لە پارێزگاێ کرماشان، شامڵ جەشن هەنارانە، جەشن چلەێ هاوین، دەنەکەواو، ئاش عەواسعەلی، ئاش شلەم، گرەچنی، چەڵەنگەری لە پێڕست میرات نەتەوەیی سەفت بۊ.
  • ٣ ڕێبەندان: بنگەێ هنەری ماملێ ئێعلام کردیە ک خەڵات ساڵ ٢٠١٩ ئەی بنگە بڕیارە وە هنەرمەن و گوورانیچر کرماشانی، حوسێن سەفامەنش بڕەسد.
  • ٤ ڕێبەندان: «ئەرتەش دموکراتیک سووریە» (هەدەپە) ئاخرین شوونەیلێگیش ک لە دەس داعش داگیرکریابۊ، گرتەو.
  • ٥ ڕێبەندان: لەیلا گۊڤەن سیاستمەدار کورد و ئەندام «پارت دموکراتیک خەڵقەیل» (هەدەپە) وەدۊاێ ٧٩ ڕووژ ئێعتساو غەزا، لە زندان ئازاد بۊ، وەلی دەس لە ئێعتساو غەزاگەی نەکیشا.
  • ٧ ڕێبەندان: داعش هەڵمەت هاوردیە وە سەر پۆست بازڕەسی لە ناوەێن شارەیل خانەقین و جلەوڵا (گەڵالە) و یەکێگ لە هازەیل ئەمنییەتی عێراقی کوشتیە و سێیانیشیان زامدار کردیە.
  • ٩ ڕێبەندان: لافاو شار سەراولە سەر وە پارێزگاێ ئیلام گرتیەسە وەر و بنەماڵەیل فرەێگ چواردەور لەلێیان گیریاس.
  • ١١ ڕێبەندان: بێهڕووز بۊچانی نۊسەر و پەنابەر ئیلامی ک دانیشتی کەمپ مانۆس لە پاپواس، خەڵات ئەدەبی ڤیکتۆرییا پریمیەر بانترین خەڵات ئەدەبی وڵات ئسترالییا ئەڕاێ ڕۆمان «هەڤالێگ نییە بجگەلە چیاگان» وەرگرت.

ناساندن ویکیپیدیا

ئێ ماڵپەڕە ئەڕای ئەزمایشت ویکیپیدیای کوردی خوارگە. ئیمە خوازیاریمن ک هەرکی وە هەر شێوەێگ ک لە توانی هەسە وەگەردمان هاوکاری بکەێد تا بتوانیم ویکیپیدیاگەمان ئاوا بکەیمن.

بەشداری لە ویکیپیدیا

ویکیپیدیاێ کوردی خوارین، شوونێگ ئەڕاێ گەشەکردن و ناسانن زوان و فەرهەنگ کوردی کوومەڵگاێ بەش خوارین کوردستان و کووکردن زانیارییەیلمان لە یەێ جێگاس. بەشداریکردن لە ویکیپیدیا، گشت کەسێگ یەێڕاس خەێدە سەر ویکیپیدیاێ کوردی و له‌ ئه‌ی کاره‌ هەوەجەێگ وە پەسەندکردن کەسێگ نییە. ئەڕاێ بەشداریکردن لە ویکیپیدیاێ کوردی پاش لە ئاشنابۊن وەگەرد ویکیپیدیا، لە سەرەتا بایەد بتۊیەنی کوردی وە خاسیەو بنۊسی و وە خاسی تایپی بکەیت. ویکیپیدیا ژمارەێ فرەێگ وەتار دێرێد، وەلی ئەڕاێ ھەر باوەتێگ بایەد تەنیا یەێ وەتار بوودن. وە وێراشتەکردن و ساغکردن ھەڵەگان وەتارەگان، بوو وە ئەوکاربەر چالاک ئەی ماڵپەڕ و پاشان خوەت لە سەرەتاوە وەتار بنۊسە.

کوومەڵگای ویکیپیدیا

ھەر ئەوکاربەرێگ لەئێرە وە کار خوەبەخشانە بەشداری زانستنامەگە کەێد و تەنیا لە سیاسەتەگان پەیڕەوی کریەێد، نە لە ھۊچ تاقەکەسێگ. ئەڕاێ خاسترکردن وەتارەگان، ئەوکاربەرەیل ھەمیشە قسەوباس و نوکتەگان خوەیان لە پەڕەگان تایبەت وە وتووێش دەربڕن. ویکیپیدیاێ کوردی چوودە پیری هۊروڕاگان و وتووێشەگان گشت ئەوکاربەرەیل لەوارەێ گشت بەشەگان.

وێنەی هەفتە

پرۆژەیل خوەێشگ

ویکیپیدیا وە زاراوەیل تر زوان کوردی