Wp/sdh/ویکیپیدیا
ویکیپیدیا (وه ئێنگلیسی Wikipedia) پرۆژه‌یگ ئازا، وه‌ف-بنیچه، هه‌وبه‌ش، و چه‌ندزوانییه که وه لای بنگه‌ی ویکیمێدیا پشتیوانی بوود. ناوه‌گه‌ی ئامێته‌یگه له دو وشه‌ی "ویکی" (وه ئێنگلیسی "Wiki") که وه زوان هاواییانه یانی "تون"، و "Encyclopedia" که وشه‌یگ ئێنگلیسی یه به واته‌ی (مه‌ئنای) "زانستنامه". دا ئیسه نزیگ ١٣ میلین وه‌تار و نامیلکه له ویکیپیدیا نۊسیاگه، گشتی وه ده‌س خوازیاره‌ل (داوته‌ڵه‌به‌ل) له گشت شوونه‌گان دنیا. هه‌ر وه‌ی جۊره هه‌ر که‌سیش که بتواید توانید ویکیپیدیا بڕازید (ویرایش بکه‌ید). ویکیپیدیا له ساڵ ٢٠٠١ وه ده‌س جیمی وەیلز و لەری سەنگێر خسیاگه‌سه سه‌ر. ئیسه ویکیپیدیا تونترین گه‌وراترین و وه‌دڵترین سه‌رچاوگه‌ی (مه‌رجه‌ئ) ئێتلائات له ئینترنێته.
مونته‌قده‌ل ویکیپیدیا ئێنتقاد له‌وه که‌ن که ئه‌ی پڕۆژه وه تۊر په‌ڕگاڵانه (سیستێمیک) لایگیری (جانبداری) که‌ید و ئۊشن که ویکیپیدیا فره‌تر وه ته‌وافووق ورازه‌ره‌گان (ئێدیتۆره‌گان) ئه‌هه‌مییه‌ت ده‌ید دا وه ئێتبار و سه‌نه‌دییه‌ت وه‌تاره‌گان. قابڵ ئێتمینان بین و دوروسی ویکیپیدیایش وه لای به‌ئزی که‌سه‌ل ڕه‌د بییه.
گۆڤار (مه‌جه‌ڵه‌ی) تایم ویکیپیدیای له دریژار یووتۊبه، مای‌ئێسپێیس،و فێیسبووک له نمۊنه‌یل سێرویسه‌ل وێف ٢.٠ ناو بڕگه که میلیۆنه‌ل وه‌کاره‌ر (کاربه‌ر) دیرین.
دیروک
[edit | edit source]ئه‌ی پڕۆژه له وه‌را وه سۊره‌ت نوپێدیا ده‌س وه کار کرد. نوپێدیا یێ زانستنامه‌ی مه‌جازی بی وه زوان ئێنگلیسی. پیا سه‌ره‌کیگان نوپێدیا ئێباره‌ت بین له جیمی وەیلز (مودیر ئێجرایی بۆمیز) و لەری سەنگێر، مودیر وراستن نوپێدیا که له دوما ییه مودیر وراستن ویکیپیدیا.
وەیلز وه‌ی خاسییه‌ته ناسیاگه که ئامانجی (هه‌ده‌فی) ئه‌وه بی که زانستنامه‌یگ داشتبی که هه‌رکه‌سیگ بتوانید ورازیدی. وه‌ڵی سەنگێر مه‌ئرووفه وه ئه‌یه که ئه‌ڕا ڕه‌سین وه‌ی ئارمانجه له ویکی ئیستفاده‌ی کرد. له کووتایی ساڵ ٢٠٠١ا ویکیپیدیا ٢٠،٠٠٠ وه‌تار وه 18 زوان دنیا داشت. ویکیپیدیای ئێنگلیسی له سال ٢٠٠٧ا له مه‌رز ٢ میلیون وه‌تار وریا.
سرووشت ویکیپیدیا
[edit | edit source]ویکیپیدیا جۊریگه که هه‌ر که‌سیگ توانید وه ئه‌ندام بین وه‌تاره‌گان ورازید یا بنووسید. گشت نشانه‌گان و ڕه‌دپایه‌ل وڕاستنه‌گان مینید و دیار بۊد که کی چه کرگه و چه نه‌کرگه.
یه‌گیگ له موشکله‌گان ویکیپیدیا یه‌سه که خوه‌نه‌رگان نیه‌زانن که ئه‌ڕا نمۊنه ئه‌ی وه‌تاره که خوه‌نن تۊشیار گه‌نکاری (خراوکاری) بییه و که‌سیگ ئه‌ڕا گه‌نکاری کردن ئه‌ی ده‌سکاری کرگه یا نه.
له ده‌م نۊسین و وڕاستن وه‌تاره‌گان پاراستن قابل ئێتمینان بین مه‌تله‌به‌گان و دوروستییان ئه‌ڕا ویکیپیدیا فره گرنگ و مۆهێمه.