Wp/rsk/Славко Загорянски
Славко Загорянски (*15. децембер 1947. - 7. май 2018.), композитор, и инструменталиста-музичар
| Славко Загорянски | |
|---|---|
| Народзени | 15. децембра 1947. |
| Умар | 7. мая 2018.(71) |
| Державянство | югославянске |
| Язик творох | руски |
| Школа | Штредня тарґовецка школа Шид |
| Период твореня | 1972-2007 |
| Жанри | компонованє, културна дїялносц |
| Поховани | Поховани на теметове у Шидзе |
Биоґрафия[edit | edit source]
Славко Загорянски ше народзел 15. децембра 1947. року у Бачинцох у селянскей фамелиї (оцец Силво и мац Олґа, народзена Кулич зоз Шиду). Славко мал ище двох братох и три шестри. Шейсц класи основней школи закончел у Бачинцох (од того штири класи на руским язику), а 7. и 8. класу у Кукуєвцох. После того закончел штредню тарґовецку школу и здобул званє тарґовца. Полни 40 роки робел як тарґовец по цалей шидскей општини, прейґ Бачинцох, Бикич Долу, Соту, та по сам город Шид.
Славко Загорянски бул оженєти зоз Анку родз. Чанї зоз Шиду и мали штверо дзеци: дзивки Таню, Наташу, Тамару и сина Даниєла.
Музику полюбел од малючка слухаюци оца як грає. Вон грал на тамбури приму и часто наступал на свадзбох. Славко окреме любел руску писню. На 17 роки ше научел грац на гармоники и на ґитари. Бул член хору Здруженя пензионерох у Шидзе, дзе наступал и як солист и як инструменталист. Попри тим, Славко Загорянски бул и активни член КПД „Дюра Киш“ у Шидзе.
Першу композицию на власни текст („Чекал сом милу“) на „Червену ружу“ послал 1972. року. По 2007. рок, кед на „Пупчу“ виведзена остатня спомедзи його композицийох, найвецей компоновал на тексти шидского наставнїка Василя Мудрого (9).
До пензиї пошол 2. новембра 2006. року.
Славко Загорянски умар 7. мая 2018. року у Шидзе дзе є и поховани.
КОМПОЗИЦИЇ[edit | edit source]
У забавним духу[edit | edit source] | ||
|---|---|---|
| Рок | Наслов композициї | Автор текста |
| 1985. | Нє бануй, шерцо | Славко Загорянски |
У народним духу[edit | edit source] | ||
| Рок | Наслов композициї | Автор текста |
| 1972. | Чекал сом милу | Славко Загорянски |
| 1995. | Привит | Василь Мудри |
| 1995. | Любов мацерина | Василь Мудри |
| 1997. | Вино и ґитара | Славко Загорянски |
| 1998. | Писньо моя | Мелания Павлович |
Червене пупче[edit | edit source] | ||
| Рок | Наслов композициї | Автор текста |
| 1987. | Родичи и школа | Василь Мудри |
| 1996. | Привит ластовичком | Василь Мудри |
| 2006. | Тайна | Ксения Палатинус |
| 2007. | Ластовки | Ксения Палатинус |
Ружова заградка[edit | edit source] | ||
| Рок | Наслов композициї | Автор текста |
| 1992. | Розчарованє | Василь Мудри |
| 1993. | Заграйце ми | Василь Мудри |
| 1994. | Руснак | Василь Мудри |
| 1995. | Свадзебна писня | Василь Мудри |
| 1997. | Препадли надїї | Василь Мудри |
| 2004. | Моя заградка | Славко Загорянски |
Вонкашнї вязи[edit | edit source]
Славко Загорянски, список композицийох, Червена ружа 1962-2011, Завод за културу войводянских Руснацох и Дом култури Руски Керестур, Нови Сад, 2014, б. 499.
Шидски творителє - браца Загорянски
У Шидзе умар Славко Загорянски, Рутенпрес, 7. май 2018.