Wp/rsk/Инструменталиста
Инструменталиста[edit | edit source]
Инструменталиста[1] (анґл. instrumentalist)[2] то музичар хтори грає на даєдним музичним инструменту[3][4].
Файти инструменталистох[edit | edit source]
- Инструменталиста фаховец то музичар хторому то професия, пошвецел ше инструменту и жиє з граня, процивно тому гвариме инструменталиста - аматер (инструмент му гоби). Лєм виртуоз инструменталиста може буц уметнїк.
- Инструменталиста може буц школовани (музично образовани) и нєшколовани (без музичного образованя).
- Инструменталиста хтори грає виолину/гушлю наволує ше виолиниста/гушляр, кед грає на кларинету, гвариме же є кларинетиста, кед грає на клавиру, пияниста /клавириста итд.
- Инструменталиста може грац сам, теди вон солиста, може грац зоз даским (напр. у дуету, квартету, квинтету), а найчастейше грає у даяким оркестру[5]. У оркестру граю велї инструменталисти на рижнородних инструментох.
- Инструменталиста може грац класичну, народну, забавну або джез музику.
- За музичара хтори грає два лєбо вецей инструменти гвари ше же є мулти-инструменталиста.
Референци[edit | edit source]
- ↑ Професия инструменталисти
- ↑ Словнїк музичних поняцох
- ↑ Властимир Перичић - Радивој Лазић, Основи теориї музики
- ↑ Радивой Лазич, Учим грац кларинет
- ↑ У оркестри граю велї инструменталисти