Wp/niu/Matapatu Lau

From Wikimedia Incubator
< Wp‎ | niu
Wp > niu > Matapatu Lau
Loto fakaaue tutala vagahau Niuē?
Do you speak Niuean? Help us revive the Niuean Wikipedia!

Fakalofa lahi atu, fakaue kua hoko mai ke he Wikipedia!

Ko e Tokaaga Tala Ai Fai Totogi ke Fakaaoga,
Ne maeke mo e tonuhia ha tagata ke tohi mo e hiki e tau tala.

Ko e haha i ai 52 e tala kua tohia ke he Vagahau Niue.

Matapatu Tala:

Ko e Takai ko e puhala fakafiafia ke fakamanatu aki e magaaho he tau kua hoko ki ai mo e fakafeleveia e tau foou kua hoko ki ai, ko e fakaotiaga he faahi tapu Tapu Liogi Hololoa. Ko e Aho Faiumu he ha faahi tapu Tapu Liogi Hololoa ko e aho takai pauaki a ia he tau. Ko e takai ka fakamanaia e koe haau a motoka, pasikala afi, pasikala taholi pihia mo e tagata foki, mo e fakaholo viko ai he motu mo e fakatagiatagi ai e tau pu motoka, ta e tau kofe mo e lologo mo e kalaga. Ko lautolu ne kitekite mai ke he tau takai ka tauhea atu ai pehe, "Takai popo, takai popo", ko lautolu he tau motoka ka gana atu e tau lole mo e falu a mena kai kia lautolu ne kitekite mai. Fa mahani foki e tau takai ke viko he falu male he falu a maaga kae mitaki ke iloa tuai ha ko e falu maaga tapu tapu ina ai maeke he ha peleoafi ke fakaholo viko i luga he male. Ko e vaha nei kua to lahi e fulufuluola e tau takai ha ko e loga e tau koloa mo fakamanaia aki e tau takai....Totou foki e laulahi he tala....

Tala Mitaki

Ko e kakano he higoa he motu fakahele ha tautolu ko Niue, hagaao ia ke he akau ko e niu, ko e talahauaga loa ne pehe hae e niu ti fakaku mogoia ke pehe "ko e niu e" ke moua mai e higoa Niue. Hae i lalo e tau higoa he tau maaga i Niue. Ko e maaga nei toka ai ke he faahi tokelau he motu, ko e taha faahi he maaga ko Alofi ko e taone fulufuluola ha Niue. Ne vevehe ua ai e maaga ko Alofi, taha ko Alofi Tokelau, taha ko Alofi Toga. Ko e maaga ko Alofi ko e taha ni e maaga a ia fakamua, ka kua vevehe ua ai fakamui e ha kua lahi e maaga mo e hagahaga mitaki ke fakaholo e tau gahua fakamaaga. Pete ia kua vevehe ua e maaga ko Alofi, mau agaia ni a lautolu ko e taha e fale tapu Ekalesia Keresiano ke tapuaki auloa ai. Koe taha maaga foki kehe faahi tokelau. Koe maaga hanei ne omai ai e tau Patuiki ha Niue....Totou foki e laulahi he tala....


Tala hagaoa ke he Wikipedia

Fakaaue fakamua ke he matua ha ha he lagi ke he haana takitakiaga mafola ti kua maeke ai ke hohoko mai ke he kaina nei ke kamata ai e taha tohiaga tala mo e tokaaga tala mae tau Niue fakaaoga ni e vagahau Niue. Ko e Vikipitia Niue nei kua fai magaaho he talaga ai e tau pulega mo e tuku atu ke he Matakau Wikipedia nei ko e maeke nakai ke talaga e Vikipitia Niue ke fakaaoga ni he vagahau Niue. Hanei to lahi e fakaue kua maeke ai ke fai lakaaga ki mua e fekau nei ha kua maeke ke kamata fakataitai. Ko e mena lahi ke taute e tautolu ne iloa vagahau Niue he magaaho tonu nei ke tohi e tau tala kehekehe fakaaoga ni e vagahau Niue. Pehe mai e fakatokaaga ha lautolu kaeke ke molea e 100 tala kua tohi mo e toka ai ke he Vikipitia Niue to maeke mogoia ke taute e Vikipitia Niue ke eke ia mo taha tokaaga tala mo e tohi tala toka mau ke he Wikipedia.

Fakatino he Aho