Wp/niu/Faikai

From Wikimedia Incubator
< Wp‎ | niuWp > niu > Faikai
Jump to navigation Jump to search

Faikai

Ko e taha mena kai talahaua ne taute mai he ika. Haha i ai ni e tau faga ika ne kua mitaki he taute faikai, ko e laulahi he tau vala ika lahi tuga e paala, vahakula, haku, utu mo e falu foki kua to lahi e mitaki ke fakaaoga. Kua lata e tau vala ika faikai ke tao mago mua atu ka pehe ko e amanaki ke taute loga e faikai ke lata mo e kai laulau fakaulu fale, mau hoana poke tu tau. Fa mahani kaeke ko e faiumu he po Falaile, to tao mago e tau vala ika he pale laa fakatai he hola 2 he Aho Falaile, to fuke atu la he mogo pouli matahola valu. Kua taute pihia ke moho momo mo e ai namu a e tau vala ika. Ko e vaha nei kua loga e falu puhala mukamuka, mua atu kaeke kua kuku e tau magaaho ti ai maeke ke tao e vala ika. Kua mitaki agaia he tunu he ulo, mitaki foki he hele fakateputepu ti ligi aki e vai vela ti toka ke levaleva. Ko e manogi mitaki ni e faikai kaeke ka tao ki luga he laufuti. Kaeke kua mau e tau lau futi, kua mau foki e gako niu, fai matima, tau lau le mo e kave va mo pipi, kua lata tei e tau faikai haau he afi. Ka oti he afi ti tao ai.