Wp/niu/Takihi

From Wikimedia Incubator
< Wp‎ | niu
(Redirected from Wp/niu/takihi)
Wp > niu > Takihi

Takihi

Ko e takihi ko e taha kai talahaua a nei he tau Niue, ko Niue ni ne fai kai pehe nei. Ko e takihi taute mai he talo maganonu poke talo manua, fua loku mo e gako niu. Fakamua kaeke ke mea e tau talo mo e tau fua loku he halu, kua lata mogoia e tau vala talo ke halu faka ikiiki mo e aleale, mitaki lahi e titipi matila, pihia foki e koloa halu pateta. Kua lata foki e tau vala loku ke halu fakaaleale pihia. Kaeke ke oti ti taute ke afi, tuga ni ka afi e polo poke moa ke fakatoka mua e tau lau luku, tau lau le to fakatoka fakahiku hifo e laufuti kua oti he lagi. Ko e taha mua e fata vala talo ka fakatoka, fakatoka mogoia e fata vala loku, liu mogoia ke fakatoka e fata vala talo, ti fakaoti mogoia ke he fata vala loku. Ganagana fakatote taha vala masima to tatau hifo e niu ki luga, huihui aki e valavai e gako niu ke ua gako lahi e takihi, kae uta ni e lahi mo e tote he gako niu ka fakaoga ke he tagata. Kua lata e takihi ke tao ke he kelekele he umu i luga he tau malala ke moho e tau vala talo, mitaki lahi foki e takihi ka pehe paku he manogi mitaki ka kai.