Wp/mnc/nurgaci

ᡝᡵᡝ
ᠵᡠᠰᡨᠠᠨ ᡳ
ᡤᡝᠪᡠ
ᡴᡝᠮᡠᠨᡳ
ᡨᠣᡴᡨᠣᠪᡠᡵᡝ
ᡠᠨᡩᡝ᠉
ere justan -i gebu kemuni toktobure unde.
此页面的标题没有确定。

manju hergen -i ararangge hūlarao.

nurgaci

manju gisun:

nurgaci (abkai fulingga)

monggo gisun:

Нурхач (Тэнгэрийн сүлдэт)

nikan gisun:

努爾哈赤 (天命)

dasara aniya:

1616-1626

nenehengge:

taksi

sirarangge:

hong taiji

nurgaci oci Amaga Aisin Gurun(後金) i ujui Han, ini hala Aisin gioro. nurgaci amaga aisin gurun be iliha.

nurgaci 1559ci aniyai juwe biyai orin ningguci inenggi de Hetu Ala Hoton de Banjihangge, ini ama oci Taksi, ini mafa oci Giocangga.

1583ci aniya Giocangga jai Taksi Nikan Wailan de wacabuha. 1584ci aniya nurgaci Turun hoton(圖倫城) de Nikan Wailan be afaha. Nikan Wailan burulafi Erhun(鵝爾渾) de ukaha. 1587ci aniya nurgaci Nikan Wailan be butefi waha.

1599ci aniya, nurgaci Erdeni(額爾德尼) jai Gagai(噶蓋) be Monggo Hergen be kūbulibume Manju Hergen be banjibuha, Erdeni jai Gagai i fukjilehe Manju Hergen oci Tongki Fuka Akv Hergen.

1618ci aniya nurgaci Nadan Amba Koro(七大恨) be arafi Daiming gurun(明朝) be iseleme deribuhe. nurgaci 1619ci aniya sarhū i afan de Daiming gurun i cooha be afafi etehe.

nurgaci 1626ci aniya uyuci biya nimere de bederehe.

nurgaci de juwan ninggun sargan, juwan ninggun hahajui jai jakvn sarganjui bi, hong taiji, Ajige, Dorgon jai Dodo oci nurgaci i juse.

banjin

asihan forgon

jušen uksura i aisin gioro de harangga hetu ala de banjiha. nurhaci banjiha fonde jušen oci giyan jeo jušen, hūlan aiman i jušen, balama jušen jergi de faksalame ishunde nimecuke fakame afaha. ming hargašan ere be baitalame alban i jaka i toose be beri beri faksalame mangga horon i jušen aiman tucikengge heturehe. uttu oci ming gurun giyan jeo, hūlun i da de hese be benehe. hese serengge hūda muterengge. hese bici daiming gurun ci hūda mutehe. damu tumu i baita (1449 aniya) bihe esen han i nungnecun ci hese be baitakū niyalma de beneci facuhūn ome seremšerengge muterakū ofi, nurhaci banjiha ucuri fonde giyan jeo jušen de 500 fali, hūlun jušen de 1,000 fali be meimeni da sede beneme ememu toose i emulen hetureki sehe. damu ere baita de eljen mangga oho. nurhaci i mafari oci daiming gurun be aisilame kemuni aisi bahabi.

nurhaci mutume sure, hūsun mangga, afarangge be amuran ofi ama eme ci buyehe. 9 se i erin de eme emeci (hitara hala) nimeku de bucehe. ama taksi ice sirame eme be okdoci nurhaci ci dalji ehe. uttu oci nurhaci 14 se de boo ci tucime eme i mafa wang gao i fejile de mutumbi. wang gao imbe okdome buyehe.

1574 aniya wang gao ming gurun ci dalji ehe ofi cooha iliha. damu burulame olji ofi beging de benebume tubade erulebume bucehe. ere erin de nurhaci olji oho damu ukame banjiha. manggi ama i tere gašan de bederehe. tubade hahana jacing (tunggiya hala) ci holbobuci ama i sirame eme geli ini ama ci olhorilabume dasame boo ci tucike.

uthai gakda banjirengge oho nurhaci orhoda, okto orho be jeme banjiha. ede jalirakū nurhaci janggin oki seme liyoodung i lii ceng liyang i burut oho. afarangge mutehe nurhaci lii ceng liyang ci sabumbi.

horon ambaraha

1583 aniya de atai ini ama wang gao wahangga be gasame daiming baru eljehe. ede lii ceng liyang i amba cooha giyan jeo i gure hecen be afaha. (atai i sargan oci giocangga i omolo bihe) giocangga geli taksi oci naka seme atai be jaldaha. damu ere fonde sukusu aiman i nikan wailan daiming gurun i cooha be yarume atai be waha. geli giocangga, taksi be eruleme waha. ede nurhaci jilidame daiming gurun be gasaha.

damu daiming gurun nurhaci be nacihiyara jalin 20 fali hese geli 20 fali morin be beneme giyan jeo i da de cohoho. nurhaci hese be baitalame ming gurun ci hūda ome aisi baha. ere fonde nurhaci mukūn i da oho. damu lii ceng liyang nurhaci emgi nikan wailan be suksuhu aiman i da araha.

nikan wailan da oho manggi nurhaci i horon be nakaki sehe. nurhaci giocangga, taksi akū oho jakade inde bukdambi dabala. giocangga i ene dolo imbe siraki seme nikan wailan de aisilaha. ere be eljeme sarhū hecen i nomina, giyamuhu hecen i gahašan jergi nurhaci be aisilaha. damu culgan i cooha niyalma 100 nofi dabala.

1583 aniya 2 biya de nurhaci turun hecen be afaha. damu nikan wailan aifini nomina ci latume afan i nenehe giyaban hecen de ukaha. ineku aniya 8 biya de giyaban hecen be afaci geli nomina ci latume olhon hecen de ukaha. nomina i ubašan be sabuha nurhaci “barda hecen be afaki sembi. agūra hajun be gajicina” seme nomina be soliha. nomina ese be buci nurhaci sarhū hecen be afame nomana be wame sarhū hecen be ejelehe.

ineku biya joogiya hecen i lidai geli kanggiya oci nurhaci de harangga hūji gašan be afaha jakade nikan wailan be afarangge nakame amaga aniya 1 biya de joogiya hecen be ejelehe. lidai oci mukūn ci bošome loo de horiha. (šongkoro baturu basun hadai cooha) ineku fonde giyamuhu i gašahan samjan de wabuha. samjan mardun hecen de ukaci nurhaci amcame samjan wame bata waha. uttu oci 1583 aniya de suksuhu i mukūn niyalma se nurhaci de bukdaha.

donggo aiman i ahai oci suksuhu aiman be emulehe nurhaci de afaki sehe. damu aifini nurhaci ere be safi ahai i cigida hecen be afaha. damu hecen ejelerakūbi. bedere jalin de onggolo hecen be afaci feye bahame hetu ala de bederehe. feye dasaci onggolo hecen be dasame afame ejelehe. 1585 aniya 2 biya jaifiyan hecen be afame jaifiyan hecen, sarhū hecen, dunggiya hecen, barda hecen i culgan be efujefi, 4 biya de tomoho hecen, janggiya hecen, jaifiyan hecen, sarhū hecen, barda hacen i culgan be efujehe. geli 9 biya de hunehe aiman be afame horon erguwen ambaraha. 1586 aniya 7 biya de arkan nikan wailan be jafaki seme afaha. nikan wailan daiming gurun de genehe. daiming gurun nikan wailan i aisi akū seme uju be faitame nurhaci ere be aljaha.

jušen i emulen

lii ceng liyang jušen de daiming gurun ci kadalarangga mutere amba horon be araki sehe. ede sonjoho niyalma nurhaci kai.

nurhaci 1587 aniya de jecen aiman, 1588 aniya de wanggiya aiman be dasaha. tutaha hohori inu nurhaci de daha. uttu oci nurhaci 1589 aniya de giyan jeo jušen be emulehe. nurhaci i dasara gurun be manju gurun inu sehe.

jušen i da oho nurhaci daiming gurun de alban jaka bume hese 500 fali gaiha. hese be baitalame hūda ambarame bayan nonggime encu aiman be afaki seme belhehe. giyan jeo jušen be emulehe nurhaci ilhi hūlun aiman (haisi jušen) be ejeleki sehe. ede hūlun aiman aisi gūnime inu afan be belhehe.

1589 aniya hūlun aiman i emu yehe aiman i da narimbulu sere ningge hūlun culgan i da oho. narimbulu oci jušen be emuleki sere nurhaci de dahaki seci nurhaci imbe aksaka

ere fonde šunda i toyotomi hideyoshi coohiyan be necime imjin dain iliha. daiming gurun oci coohiyan be aisilara jakade jušen baru horon ebereke. uttu oci jušen dolo ishunde afara baita labdu ofi yehe aiman i da narimbulu 1593 aniya 6 biya de hada aiman, hoifa aiman, ula aiman emgi culgan holbome manju gurun be afaha. ede belhehe nurhaci hūlun aiman be eljeme afame etehe.

ineku aniya 9 bita de narimbulu hūlun i 4 aiman geli jušeri aiman, neyen aiman, sibe aiman, gūwalca aiman, korcin aiman i 9 aiman culgan arame 3 tumen nofi ucuri i cooha nurhaci be afaha (gure alin i afan). 9 aiman i culgan cooha manju gurun i hecen be afahra fonde nurhaci i silin morin yalure cooha 100 nofi ucuri gidame ukaha. ede 9 aiman i culgan cooha amcame geneci somibuha nurhaci i cooha cembe erguwen be torhome afaha. ere afan ci horon kūbulime hūlun aiman gukume haiši jušen inu nurhaci i horon erguwen de harangga oho. ede daiming gurun nurhaci de lung hū jiyanggiyūn (龙虎将军) de cohoho. ere baita i 2 aniya nenehe lii ceng liyang oci nurhaci i ama waha baita de daiming gurun i hargašan i tušan ci nakaha.

manggi sahaliyan ula erguwen de bisire hūrha aiman ci acaha nurhaci ilhi hada aiman be afaha. hada inu yehe geli manju sidende bisire baita kai. 1599 aniya 5 biya de yehe aiman i narimbulu hada be afaha. hada aiman i da menggebulu olji emgi nurhaci de aisilara cooha benecina seme yenduhe. nurhaci ede šurgaci geli 2000 noci ucuri cooha be unggihei beye cooha araha hada aiman be afame ejelefi menggebulu be olji araha. manggi menggebulu oci sargan ci mešehe seme eruleme bucehe. nurhaci hada aiman be manju de emuleme hada aiman gukumbi.

hada aiman oci daiming gurun ci jušen be kadalara ba kai. nurhaci cembe ejeleci daiming ci gaisilabuha. ede nurhaci menggebulu i ujui haha jui urgūdai geli ini irgen be hada aiman de bederebuci, yehe aiman i narimbulu hada be afaha jakade, jiduji hada aiman i irgen manju de bihe. urgūdai hada de bedererakū damu nurhaci i burut oho.

1606 aniya šunda i cooha coohiyan ci šunda de bederehe. ede daiming gurun jai jušen i arbun be tuwaci ehe ofi gaisilaki sehe. 1607 aniya hoifa facuhūn oho. nurhaci cembe dailame hoifa gukuhe.

nurhaci oci ula gurun i ejen bujantai de ini sargan jui be holbobuhe. damu mujilen dolo kušun gūniha. gelu bujantai inu yehe aiman ci butu dalji bihe. 1607 aniya 1 biya de ula oci warka bana i fio hecen be afara andande warka oci nurhaci i aisilan be bodofi nurhaci ede šurgaci be benehe. 1607 aniya 3 biya de bujantai geli šurgaci i cooha ishunde 烏碣岩 de afame šurgaci i cooha etehe. manggi bujantai oci nurhaci ci acaha. damu jilidaha bujantai nurhaci i sargan jui ojoro ini sargan be bungnaci nurhaci ede jilidame ula hecen be afaha. uttu oci nurhaci yehe i tulgiyen geren haisi jušen be ejelehe.

Inu Hūla