Wp/mag/अकबर

जलाल-उद्दीन मोहम्मद अकबर جلال الدین محمد اکبر
अकबर
२७ जनवरी १५५६ - २९ अक्तूबर १६०५ १५५६–१६०५
१४ फरवरी १५५६
पूर्ववर्ती	हेमू
उत्तरवर्ती	जहाँगीर
जन्म	१५ अक्टूबर १५४२ उमरकोट किला, सिन्ध
निधन	२७ अक्टूबर १६०५ फतेहपुर सीकरी, आगरा
समाधि	बिहिस्ताबाद सिकन्दरा, आगरा
जीवनसङ्गी	रुकाइय्या बेगम, सलीमा सुल्तान आउ मरियम उज-जमानी
घराना	तिमुर मुगल
पिता	हुमायूँ

जलाल उद्दीन मोहम्मद अकबर (Template:Wp/mag/भाषा-फारसी) (15 अक्टूबर 1542 – 27 अक्टूबर 1605) तैमूरी वंशावली के मुगल वंश के तेसर शासक हलै । अकबर के अकबर-ऐ-आजम (अर्थात् अकबर महान्), शहंशाह अकबर, महाबली शहंशाह के नामो से जानल जा है । सम्राट अकबर मुगल साम्राज्य के संस्थापक जहीरुद्दीन मुहम्मद बाबर के पौत्र आउ नासिरुद्दीन हुमायुँ एवं हमीदा बानो के पुत्र हलै । बाबर के वंश तैमूर आउ मंगोल नेता चंगेज खां से संबंधित हलै अर्थात् उनकर वंशज तैमूर लंग के खानदान से हलो आउ मातृपक्ष के सम्बन्ध चंगेज खाँ से हलै । अकबर के शासन के अन्त तक १६०५ मे मुगल साम्राज्य मे उत्तरी आउ मध्य भारत के अधिकांश भाग सम्मिलित हलै आउ ऊ समय के सर्वाधिक शक्तिशाली साम्राज्य मे से एक हलै । बादशाह मे अकबरे एक ऐसन बादशाह हलै, जेकरा हिन्दु मुस्लिम दोनो वर्ग के बराबर प्यार आउ सम्मान मिललै । ऊ हिन्दु-मुस्लिम सम्प्रदाय के बीच के दूरी कम करे ला दीन-ए-इलाही नामक धर्म के स्थापना केलकै । ओकर दरबार सब ला हर समय खुला रहहलै । ओकर दरबार मे मुस्लिम सरदार के अपेक्षा हिन्दु सरदार अधिक हलै । अकबर हिन्दु पर लगे वाला जजिये न समाप्त केलकै, बल्कि ऐसन अनेक कार्य कैलकै जेकर कारण हिन्दु आउ मुस्लिम दोनो ओकर प्रशंसक बनलै । अकबर मात्र तेरह वर्ष के आयु मे अपन पिता नसीरुद्दीन मुहम्मद हुमायुँ कै मृत्यु उपरान्त दिल्ली के राजगद्दी पर बैठलै हल । अपन शासन काल मे ऊ शक्तिशाली पश्तून वंशज शेरशाह सूरी के आक्रमण बिल्कुल बन्द करवा देलकै हल, साथे पानीपत के द्वितीय युद्ध मे नवघोषित हिन्दु राजा हेमू के पराजित केलकै हव । अपन साम्राज्य के गठन करे आउ उत्तर आउ मध्य भारत के सब क्षेत्र के एकछत्र अधिकार मे लावे मे अकबर के दु दशक लग गेलै हल । ओकर प्रभाव लगभग पूरा भारतीय उपमहाद्वीप पर हलै आउ ई क्षेत्र के एक बड़े भूभाग पर सम्राट के रूप मे ऊ शासन केलकै । सम्राट के रूप मे अकबर शक्तिशाली आउ बहुल हिन्दु राजपूत राजा से राजनयिक सम्बन्ध बनैलकै आउ उनकर एहाँ विवाहो केलकै ।