Wp/lus/Riphui

En bawk la : Ritlang, Risah, Rinâwt, Riping, Ritihhâ, Rithäwp, Richang

Riphui kan tihte chu thaw-dawt lei emaw, ha emaw, hrawk emaw hmanga tihphui deuh hlek hmanga ri siamte hi a ni, entirnan: /d/ hi lei leh ha hmanga thaw lo chhuak lo hnawh phui deuh hleka ri siam a ni a, /v/ erawh hmui chung lam leh hnuailam insîkphuitir lek lek hmanga siam a ni thung. Riphuite hi hetia kan lo hnawhphuina azir hian chi hrang hrangah ṭhen a. Chungte chu:

Hmui hmang riphuite: Hei hi hmui hmanga thaw kawng tihphuite sawina a ni. Mizovah chuan /b/, /f/, /m/, /ʰm/, /p/, /pʰ/ te hi a ni.
Ha hmang riphuite: Hei hi ha hmanga thaw kawng tihphui ṭhen sawina a ni. Mizovah chuan /d/, /n/, /ʰn/, /s/, /t/, /tʰ/, /z/ rite hi a ni.
Hahni chhunglam leh lei hmang riphuite: Hei hi lei hmanga hahni chhunglam kan nawr deuh hlek hmanga riphui kan siamte sawina a ni. Mizo ṭawngah chuan /t͡s/ (ch), /[t͡sʰ emaw /tʃʰ/ (chh), /r/, /ʰr/ (hr), /rʔ/ (rh), /t͡r/ (ṭ) leh /t͡rʰ/ (ṭh) te hi a ni.
Dang chung leh hnuai hmang riphuite: Hei hi dang chung leh hnuai lam hmanga riphui siamte hi a ni. Mizo ṭawngah chuan /ŋ/ (ng), /ʰŋ/ (ngh) (/g/ - hei chu kan hmang meuh lo), /k/ leh /kʰ/ te hi a ni.
Hrawk hmang riphuite: Hei chu hrawk hmanga boruak kan hnawh phui deuh hlek hmanga riphui kan siamte hi a ni. Mizo ṭawngah chuan /h/ (-h-) leh /ʔ/ (-h, entirnan: Dah tiha h hi) te hi a ni.

Heng riphui chi 5 kan neihte hi lamna hmun leh lam rîkphung azirin hmun tam takah ṭhensawm leh a ni a, chungte chu:

		Hmui	Ha	Hahni chhunglam		Dang	Hrawk
		Hmui	Ha	Laihäwl	Sirlam	Danghnung	Hrawk
Riping	Rithäwp	p [p]	t [t]			k [k]	ʔ [ʔ]^[1]
	Ritihhâ	ph [pʰ]	th [tʰ]			kh [kʰ]
	Richang	b [b]	d [d]
Risah	Rithäwp			ch [t͡s]
	Ritihhâ			chh [t͡sʰ], [tʃʰ]
	Sirlam			tl [t͡l]
	Ritihhâ Sirlam			thl [t͡lʰ]
	hlap			ṭ [t͡r]
	Ritihhâ hlap			ṭh [t͡rʰ]
Rinâwt	Rithäwp	f [f]	s [s]				h [h]
Rinâwt	Richang	v [v]	z [z]		l [l]
Hnarhmang	Simple	m [m]	n [n]			ŋ (written ng)[ŋ]
Hnarhmang	Ritihhâ	hm [ʰm]	hn [ʰn]			hŋ (written ngh) [ʰŋ]
Ridül	Simple			r [r]	l l
	Ritihhâ			hr [ʰr]	hl [ʰl]
	Hrawk			rʔ (written rh^{as in perh}) [rʔ]	lʔ (written lh^{as in belh}) [lʔ]

A chunga dawhkan lâkna hnar:^[2]

Mizo ṭawnga awm lo riphui lär zualte[edit | edit source]

Mizo ṭawngah hian riphui tam tak (a chunga kan tarlante khi) kan nei a. Kan neih loh lär zualte chu:

Sâp ṭawngah: Sâp ṭawnga riphui awm, Mizo ṭawnga kan neih ve loh lar zualte chu

[θ]. Hei hi something tiha th rîk dàn a ni.
[ð]. Hei hithen tiha th rîk dàn a ni.
[dʒ]. Hei hi jar tiha j rîk dàn a ni.
[ʃ]. Hei hi shame tiha sh rîk dàn a ni.
[ʒ]. Hei hi vision tiha s rîk dàn a ni.
[g]. Hei hi good tiha g rîk dàn a ni. Hei erawh hi chu hrilhfiah chhàwnna ṭhenkhatah kan nei ve, entirnan gêih gûih mai tih a g te hi.
[x]. Hei hi loch tiha ch rîk dàn a ni.

Ferên ṭawngah: Ferên ṭawnga riphui awm Mizo ṭawnga kan neih ve loh lar zualte chu.

[ʃ]. Hei hi chien tiha ch rîk dàn a ni.
[ʒ]. Hei hi jeune tiha j rîk dàn a ni.
[g]. Hei hi gare tiha g rîk dàn a ni. Hei erawh hi chu hrilhfiah chhàwnna ṭhenkhatah kan nei ve, entirnan gêih gûih mai tih a g te hi.
[ʁ]. Hei hi rouge tiha r rîk dàn a ni.

Zerman ṭawngah: Zerman ṭawnga riphui awm Mizo ṭawnga kan neih ve loh lär zual deuh deuhte chu

[ç]. Hei hi ich tiha ch rîk dàn a ni.
[p͡f]. Hei hi Pflicht tiha Pf rîk dàn a ni.
[ʁ]. Hei hi Rauch tiha R rîk dàn a ni.

Chaina ṭawngah: Chaina ṭawnga riphui awm Mizo ṭawnga kan neih ve loh lär zualte chu:

[ɕ]. Hei hi 新 (pinyin-in: xīn) tiha x rîk dàn a ni.
[ʂ]. Hei hi 石 (pinyin-in: shí tiha sh rîk dàn a ni.
[ɻ]. Hei hi 人 (pinyin-in rén) tiha r rîk dàn a ni.

Thulâkna[edit | edit source]

↑ Hë hrawkriphui hi thulam tàwpah chauh a awm.
↑ Weidert, Alfons, Component Analysis of Lushai Phonology, Amsterdam Studies in the Theory and History of Linguistic Science, Series IV - Current Issues in Linguistic Theory, volume 2, Amsterdam: John Benjamins B.V., 1975.

A dang:

Mangold, Max (2005), Das Aussprachewörterbuch, Duden, p. 37, ISBN 9783411040667
San, Duanmu (2007). The phonology of standard Chinese (2nd ed.). Oxford University Press. ISBN 978-0-19-921579-9.
Walker, Douglas (2001), French Sound Structure, University of Calgary Press, ISBN 1-55238-033-5

[Hë_hrawkriphui_hi_thulam_tàwpah_chauh_a_awm.-1] Hë hrawkriphui hi thulam tàwpah chauh a awm.

[Weidert-2] Weidert, Alfons, Component Analysis of Lushai Phonology, Amsterdam Studies in the Theory and History of Linguistic Science, Series IV - Current Issues in Linguistic Theory, volume 2, Amsterdam: John Benjamins B.V., 1975.

[1]

[2]