Wp/lus/Hariphui

En bawk la : Riphui, Ritlang, Hniriphui, Hmuiriphui, IPA

Hariphui kan tih chu riphui chi khat a ni a, leia hachung chhunglam nawr hmanga lamte hi an ni. Entirnan, [t] kan lam hian kan leiin kan hachung chhunglam kan nawr a, chuvangin [t] hi hariphui a ni. Hniriphui nèn a lamphung inang teuh hlë.

Entirna

Mizo ṭawnga kan hariphui neihte chu:

• [d]. Hei hi dam tiha d rîk dàn hi a ni.
• [l]. Hei hi lam tiha l rîk dàn hi a ni. Amaherawh chu [l] hi hniriphui ang pawhin kan lam ṭhin.
• [lʰ]. Hei hi hlam tiha hl rîk dàn hi a ni. A chang chuan [lʰ] hi hniriphui angin kan lam.
• [n]. Hei hi nam tiha n rîk dàn hi a ni.
• [ʰn]. Hei hi hnam tiha hn rîk dàn a ni.
• [t]. Hei hi tam tiha t rîk dàn hi a ni.
• [tʰ]. Hei hi tham tiha th rîk dàn hi a ni.

Thulâkna

• Weidert, Alfons, Component Analysis of Lushai Phonology, Amsterdam Studies in the Theory and History of Linguistic Science, Series IV - Current Issues in Linguistic Theory, volume 2, Amsterdam: John Benjamins B.V., 1975.