Wp/kus/Samuel Nartey George

Samuel Nartey George

human

Sex or gender	male
Country of citizenship	Ghana
Given name	Samuel
Date of birth	22 January 1985
Spouse	Vera
Languages spoken, written or signed	English
Occupation	politician, official
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Kwame Nkrumah University of Science and Technology
Academic degree	Bachelor of Science
Residence	Old Ningo
Member of political party	National Democratic Congress
Religion or worldview	Christianity

Girimadaan Samuel Nartey George (Ba da du’a o nɛ 22 January 1985) anɛ Ghana pɔlitis nwɛ’ɛd. O yinɛ Ahwiam, bɛ Old Ningo. O anɛ Ma’asim tiig Na’adɔɔg, National Democratic Congress nid. yʋma tusa ayi' nɛ pii nɛ anu la Nwadis piinɛ yinɛ (November 2015) la ni, o da lub onɛ zin’i kʋk la zug, E. T. Mensah ka zi’en Ma’asim tiig Na’adɔɔg la zug nyi’a yʋma tusa ayi' nɛ pii nɛ ayuobʋ( 2016 Wadmaanib vɔɔtʋg la) Ningo-Prampram Constituency sʋ’ʋlim. O paas Wadmaanib yikanɛ paasi ayɔpɔi Ghana Republic kanɛ paasi anaasi la ni tis Ningo-Prampram constituency dim.

On si’iŋ si’em nɛ o sakur yɛla

Ba da du’a Sam Nartey George nɛ yʋma tusir nɛ kɔbiswai nɛ pisnii nɛ anu yʋʋmpaal Nwadig la dabpisi nɛ ayi' daar (22 January 1985) Somanya bɛ Eastern Region, Ghana la. O da maali o BSc. in Agricultural Engineering (Soil & Water Engineering) nɛ KNUST, ka maali o L.L.B kasɛta gbaʋŋ bɛ University of London. O mɔr Executive Masters kasɛta gbaʋŋ (Dissertation) (Conflict, Peace, and Security) dinɛ ka o paam yi Kofi Anann International Peacekeeping and Training Centre (KAIPTC). yʋma tusa ayi' nɛ pisi nɛ ayi' Nwadis pii nɛ ayi' la ni la (December 2022), o da maali o MSc in International Strategy and Diplomacy London School of Economics and Political Science.

Tʋʋma yɛla

Sam Nartey George da anɛ assistant director bɛ Office of the Head of Civil Service yʋma tusa ayi' nɛ piiga (2010) ken paae yʋma tusa ayi' nɛ pii nɛ anaasi (2014) ka lɛn an onɛ pian’adi bɛ pirɛsidɛn ɔfisin yʋma tusa ayi' nɛ pii nɛ anaasi (2014) ti paae yʋma tusa ayi' nɛ pii nɛ ayuobʋ (2016).

Pɔlitis nwɛ'ɛb yɛla

Vɔɔdʋg kanɛ yʋma tusa ayi' nɛ pii nɛ anu Nwadis pii nɛ yinne dabpisi nɛ yinne daar la, (21 November 2015) Sam Georg da yis Wadmaan kanɛ zi’eni tis Ningo-Prampram dim la, Girmadaan Enoch Teye Mensah (MP 1996-2015) Ma’asim tiig Na’adɔɔg, NDC Na’am li’abin ka zi’eni nyi'a yʋma tusa ayi' nɛ pii nɛ ayuobʋ (2016) Wadmaanib vɔɔdʋg la ni. O da diya nɛ vɔɔt kal tusa anaasi nɛ kɔbiswai nɛ piiga (4,910) dinɛ an pisnu nɛ atan' du’ali anaasi (53.4%) ka E. T. Mensah paam vɔɔt kal tusa ayi' nɛ kɔbisnii nɛ pistan' nɛ yinne (2,831) dinɛ an pistan' nɛ anii du’ali anu kɔbʋg pʋʋgin (38.5%).

Yʋma tusa ayi' nɛ pisi vɔɔdʋg la ni la, George da di Ningo-Prampram Constituency Wamaan kʋk la nɛ vɔɔt kal tusa pisi nɛ atan' nɛ kɔbisnii nɛ pisyuobʋ (23, 860) dinɛ an pisyuobʋ nɛ atan' kɔbʋg pʋʋgin (63%) ka Mr. Sylvester Tetteh onɛ an wabʋg na'adɔɔg nid la ka ti’al o la(NPP) mɛ mɔr vɔɔt kal tusa pii nɛ atan' nɛ kɔbisnu nɛ pisnii nɛ anii (13, 588).

Wadmaanib yir la’asʋg nam ni

Sam George da paas nɛ Public Accounts Committee nɛ Communications Committee.

O pʋtɛn’ɛr

Sam George anɛ onɛ kis daʋ nɛ daʋ dig taaba ka pʋ’a nɛ pʋ’a dig taaba, ANTI-LGBTI. O ye yɛbama anm anɛ yɛlkisa. Yʋma tusa ayi' nɛ pisi nɛ yinne (2021) la ni la, on nɛ Wadmaan sieba da yina ye, ba yiisim wada kanɛ na pa’al ye daʋ nɛ daʋ digin taaba ka pʋ’a nɛ pʋ’a digin taaba la bas, LGBTI anɛ tʋʋmbɛ’ɛd. Itʋŋ kaŋa anɛ dinɛ ka nidib bɛdigʋ yina zɛrigi li ye li anɛ bugusum.

Mɛŋ bɛlim

Sam George anɛ Kristo biig.