Wp/kus/Alfred Oko Vanderpuije

Alfred Oko Vanderpuije

human

Sex or gender	male
Country of citizenship	Ghana
Given name	Alfred
Family name	Vanderpuije
Date of birth	4 November 1955
Place of birth	Jamestown
Languages spoken, written or signed	English
Occupation	politician, educator, civil servant
Position held	Mayor of Accra, Member of the 7th Parliament of the 4th Republic of Ghana, head teacher, Member of the 8th Parliament of the 4th Republic of Ghana
Educated at	Benedict College, MidAmerica Nazarene University, University of Missouri–Kansas City
Residence	Accra
Member of political party	National Democratic Congress
Religion or worldview	Christianity

Alfred Oko Vanderpuije anɛ onɛ ka ba da du'a o daba anaasi daar, nwadis piiga nɛ yinne, yʋʋm tusir nɛ kɔbiswai nɛ pisnu nɛ anu la ni (4 sapal nwadig 1955) anɛ Ghana nid nɛ gbaʋŋ mi'id nɛ pɔlitis nwɛ’ɛd, ka an wadmaan bɛ wadmaanib yin la. Nananna, o anɛ Ablekuma South Constituency wadmaan bɛ Greater Accra Region, Ghana.

Dutch du'am yʋ'ʋr anɛ Dutch Surname ka li pa'ali o kpinnim nɛ Euro-African du'am tuŋ n an si'em. Vanderpuiji yaanam da yinɛ Sint- Maartensdijk teŋ kanɛ ka ba da buon nɛ li ye Tholen ka li bɛ Netherlands teŋgbaυŋ sυ’υlυmin la. O yaaba Jacobus van de Puije da anɛ gɔmma bɛ Dutch Gold Coast kanɛ ka ba buon nɛ Li nannana ye Ghana la, 1780 yʋʋm la ni.

O sakur yɛla

Vanderpuije zamisnɛ Postsecendary degree in Education, Accra Teacher Training College la yʋʋma atan’ pʋʋgin. O mɔr nɛ Mid America Nazarene College kaset gbaʋŋi an Masters in Education la, ka mɔr University of Missouri, Kansas City U.S.A kasɛt gbaʋŋi an, Specialist in Education Administration la. O da yii anina lɛn tɔlisi keŋ University of Missouri Kansas City bɛ U.S.A la naae ka di’e kasɛta gbaυŋ linɛ an Specialist in Education Administration.

O politiks nwɛ'ɛb yɛla

On an Mayor Accra la

O da anɛ Accra Mayor la, sa kan la Ghana Gɔmina Zugraan kʋdʋg President John Atta Mills da gaŋ o zin'il 2009 yʋʋm la ni ka ti gɔmina Zugraan kʋdʋg, President John Dramani Mahama da kɛ ka o tʋm anina ti paae yʋʋm 2017 la ni. yʋʋm n naae li bɛn.

On da an wadmaan la yɛla

Vanderpuije da zi’en ma’asim tiig na’adɔɔg, National Democratic Congress (NDC) la nɔba zug n nyi’a di Ablekuma South n bɛ Greater Accra Region la wadmaan kυk la keŋ Parliament Ghana vɔɔtʋg kanɛ da maal 2016 yυʋm la, n zaŋi li yʋʋma anaasi bɛn la. O da di Vɔɔtʋg la nɛ vɔɔtnam 31.927 n yi 59.041 vɔɔtnam pʋʋgin, ka lin an 54.36%. O wadmaan tʋʋmin la, o paasnɛ Foreign Affairs Committee, ka paas House Committee of Parliament Kpɛɛmnam la ni.

O vυm bɛllim

Vanderpuije da kɔ'ɔŋ o pu’a Gifty Naa Adei Vanderpuije 2012 yʋma la ni, o da kpinɛ Korle-Bu Teaching Hospital. 2019 yʋʋm la ni, yʋʋma ayɔpɔi o pu'a kum la nya'aŋ, Vanderpuije da lɛn zaŋ Cynthia Amerley Ayiku k'o aan o pu'a.(wife)

Nɔŋgbanwa'ar nam yɛla

LGBTQ+

Alfred oko vanderpuiji an Ablekuma Suoth Constituency MP la, da kpɛn zi'e nɛ kiŋkiŋi nɛ Parliament n zan'as ye LGBTQ+ wada la da zi'en Ghana. O da yɛl ye tinamɛ paae si'el buudi malimanam wʋsa Ghana pʋʋgin nɛɛ, ti pʋ nyɛ ka pu'a zaŋi o pu'a tiraanɛ niŋi o pu'aa, bɛɛ dau mɛ niŋ ala nɛ o dau tiraana. Zin'ig wʋsa, nɛ buudi wʋsa, nidib zan'as pʋtɛn'ɛr nwa nɛ fassi. O yɛl ya'as ye, nɛ',ya' ye li zi'en, tiakir linɛ kʋ mɔr gbin saa, bɛʋg...(future). O ye, Ghana pʋ gban'ae ye ba na siak ka kpɛn'ɛs LGBTQ+ nyadi la wada ni, woo U S nɛ Europe dimɛ siak ka di'e li si'em la.

Yɛl-sieba

Citi News vɛɛnsʋg sia ni, ka Mr. Vanderpuiji, onɛ an Ablekuma South wadmaan la yɛl ye, li sʋm ka ban gaŋ sɔ' la tʋm nɛ Accra Regional Minister lin na niŋ si'em ka Accra sadʋʋma yɛl la paam maalʋg o ya'a tʋʋma ba ya'a siaki tis o tʋʋm la ( confirmed)