Wp/kum/Гьажиев Анвар

Гьажи Анвар (Гьажиев Анвар) - къумукъ шаири.

Дагъыстанны халкъ шаири Анвар Гьажиев пагьму якъдан алгъышлангъан, айтылгъан шаир экенни билмейген нагагь адам да ёкъдур. Ону къайсы чебер асары да охувчуланы къурчун къандырмай къоймай. Айры-айры шиъруларын, гьатта савлай поэмаларын кёплер гёнгюнден де биле. Шо буса Анвар Гьажиев арив англашылагъан, тазза балы-жавгьары чыгъып турагъан ана тил булан язагъанын аянлайгъан-баянлайгъан бир аламат болуп токътай. Шо ягъындан алгъанда, шаирни "Авузгъа бош акъ бабиш" деген ёммагъы, яшланы чы нечик де, уллуланы да зор кефине (яъни кепине) гелер йимик къужурлу язылгъан...

Расул Гьамзатов Анварны кёп сюе эди. Огъар, сен шаирсен, шаир-фелсефечи дей эди. Ол оьзюню пасигь тили булан, таржумасы булан Къумукъ театр да кёп кёмек этди. Онгъа ювукъ дюнья оьлчевдеги пиесаланы къумукъ тилге таржума этди. Шонча да уста кюйде этди чи, оьзю язгъандыр деп эсинге геле эди. Актёрлагъа да келпет яратма, ойнама тынч эди. Ол таржума этген пиесалар гьали де салына.

Анвар йимик адамлар бугюн бизге янгы оьрлюклеге абат басма, ругь дюньябызны оьрге гётерме кёмек эте. Олайлар болмаса, жамиятны оьр даражалы гьакъылгъа етишдирип болмай. Шону учун бирдагъы да айтылсын: маданиятгъа, адабиятгъа къайтайыкъ.