Wp/krl/Unkarin kieli

Unkarin pakina-aloveh.

Unkarin kieli (unkariksi magyar nyelv) on uralilaisen kieliperehen šuomelais-ugrilaiseh kielijoukkuoh kuuluja ugrilaini kieli yheššä hantin ta mansin kera. Še on šuurin šuomelais-ugrilaini kieli, a šillä on muajilmašša yli 15 miljonua pakisijua. Vanhimmat kirjutukšet on kirjutettu 1100-vuosišualla, ta unkarinkielini Piiplija ilmešty vuotena 1590. Unkari on Unkarin piäkieli, vain šitä niise paissah muissa maissa: Romanijašša, Slovakijašša, Ukrainašša, Serbijašša, Kroatijašša, Itävallašša ta Slovenijašša.

Šuomelais-ugrilaisena kielenä unkari niise on karjalan šukukieli, ka sen šanat ollah aivan erilaiset: karjalan šanua yjin/yvin (= šiämi) vaštuau unkarissa velő. Unkarissa on niise äijä turkkilaislaihinoja, mi šuau monet unkarilaiset uškomah, jotta heijän kieli olis turkkilaini.