Wp/krl/Raja-Karjala
Raja-Karjala on Šuomešša käytetty nimi istorijallisešta alovehešta, kumpani käšitti entiset Luatokan pohjaspuoliset Impilahen, Šuištamon, Šalmin, Šuojärven ta Korpišelän pitäjät. Ennein toista muajilmanšotua alovehella puhuttu kieli oli karjala ta väještö pravoslavnoita muun Šuomen ollešša piäasiešša ruočinuškosie.
Nykyjäh Raja-Karjalan aloveh on tyyten venäläistyn, koška alkuperäset eläjät šiirrettih talvi- ta jatkošovan jälkeh Šuomeh piäasiešša nykysen Valtimon kunnan alovehella. Raja-Karjala kuuluu nykysin Karjalan tašavaltah, šen Šuojärven ta Pitänrannan piirilöih.