Wp/kiu/Abdullah Ocalan

From Wikimedia Incubator
< Wp‎ | kiuWp > kiu > Abdullah Ocalan

Abdullah Ocalan (Apo) serdarê PKKo. Tainan çım de ki zu serekê Kırdan hesabino. 4ê Nisana 1949ine de Halfeti (Rıha) de amo riyê dina. Dıme ra Anqara de mektebê siyaseti wendo. Eke mekteb wendo, uza fıkrê Kırdıstani pê gureto u taê albazunê ho de Diyarbekır de serra hazar u newse u howta u heştine (1978) de Partiya Karkerunê Kırdıstani (be Kırdaski Partiya Karkerên Kurdistan, PKK) dewa Fisi de (Lıcê) na ro.

Verê derba Eylulê 1980i vejiyo teberê Tırkiya u şiyo Lubnan u uza ra ki vêrdo ra Suriya. Key ke Suriya de biyo, dewleta Tırkiya waşto ey çand rey bıkiso, hama ebe cı nêşikiya. Dıme ra serra 1998ine de generalê de Tırkiya serê şindorê Suriya de Suriya tehdid kerda u vato, "eke sıma Apoy wertê çand asmu de ke welatê ho ra mevezê, mao sıma de beno ke herb bıkerime." O ri ra Suriya mecbur manena, Ocalani vezena teberê welatê ho.

Ocalan verênde sono Yunanıstan, hama ine o uza ra kerd teber. Nalim ki vêreno ra, sono Rusya, i ey uza ra ki vezenê teber. Dıme ra vêreno ra, sono İtalya, hama İtalya ki nêşikina ey wertê ho de pêcêro. U Ocalan peyniye de sono Kenya. Dıme ra MİT ebe destekê istıxbaratê Amerika serra 1999ine, 15ê Gujige de Ocalan Kenya ra yeno remnaene u ey anê Tırkiya.

Ocalan hukmê ceza merdene cêno, hama uyo ke ceza merdene Tırkiya de darenê we, ceza dey çarnenê mıebbed. O waxt ra nat adê İmralı de mehpuso. Hata serra 2009ine uza tek mehpus bi, hama a serre ra tepiya 5 mehpusê bini ki ardi ey het.