Wp/isv/Zelena lěvica

Zelena lěvica

GroenLinks

Politična partija v Niderlandah
Ideologija	ekologizm, progresivizm
Vodž	Jesse Klaver
Prědsědatelj	Katinka Eikelenboom
Založenje	24 novembra 1990
Členstvo	40.621 (1 januara 2024)
Členi v Izbě deputatov	20 / 150 (zajedno s Partijeju Truda)
Členi v Senatu	14 / 75 (zajedno s Partijeju Truda)
Členi v Evroparlamentu	4 / 31
Medžunarodna organizacija	Global Greens, Evropejska zelena partija
Mladežna organizacija	DWARS
Kolory partije	zeleny, črveny
Glavno sědališče	Sint Jacobsstraat 12, Utrecht
Služebny vebsajt	groenlinks.nl

Zelena lěvica (nid.: GroenLinks) jest lěvičarska politična partija v Niderlandah.

Partija byla založena v 1990 g. na osnově slědujučih četyreh starějših partij, ktore nahodili se po lěvoj straně največšej lěvoj partije v Niderlandah, socialdemokratičnoj Partije truda (PvdA):

• Komunistična partija Niderlandov (CPN), založena v 1909 g.
• Pacifistično-socialistična partija (PSP), založena v 1957 g.
• Politična partija radikalov (PPR), založena v 1967 g.
• Evangelična narodna partija (EVP), založena v 1981 g.

Ni Zelena lěvica, ni jejne prědhodne partije, nikogda ne učestvovali v vladě Niderlandov, ale iměli veliky vliv na regionalnom uravnju, glavno v gradah. Byvša liderka Zelenoj lěvice, Femke Halsema, od 2018 g. jest gradonačelnik Amsterdama.

Od 2022 g. Zelena lěvica tvori obču grupu s PvdA v niderlandskom senatu, tako nazyvajemoj Prvoj izbě, od 2023 g. takože v dolnoj izbě, tako nazyvajemoj Vtoroj izbě. Vodžem občej parlamentarnoj grupy jest od 2023 g. byvši evrokomisar i byvši ministr vněšnjih děl, Frans Timmermans (PvdA).

Rezultaty v izborah

Rezultaty Zelenoj Lěvice v parlamentarnyh izborah od 1989 g.
(čislo izbranyh deputatov v Vtoroj izbě, ktora imaje vsego 150 členov).

Spisok liderov Zelenoj lěvice

Lider partije		od / do
	Ria Beckers (1938–2006)	6 septembra 1989 — 20 aprilja 1993
	Peter Lankhorst (1947)	20 aprilja 1993 — 22 fevruara 1994
	Ina Brouwer (1950)	22 fevruara 1994 — 4 maja 1994
	Paul Rosenmöller (1956)	4 maja 1994 — 26 novembra 2002
	prof. Femke Halsema (1966)	26 novembra 2002 — 16 dekembra 2010
	Jolande Sap (1963)	16 dekembra 2010 — 8 oktobra 2012
	Bram van Ojik (1954)	8 oktobra 2012 — 12 maja 2015
	Jesse Klaver (1986)	12 maja 2015 — (dnes)