Wp/iba/Lawas
Lawas | |
|---|---|
Nengeri mit enggau indu nengeri pelilih menua | |
| Other transcription(s) | |
| • Jaku Melayu | Pekan Lawas |
| • Jaku China | 老越 (Traditional) |
 Lawas town | |
  Lawas | |
| Coordinates: 4°50′0″N 115°24′0″E / 4.83333°N 115.40000°E | |
| Country |  Malaysia |
| State |  Sarawak |
| Division | Limbang |
| District | Lawas |
| Penyampau mensia (2020)[1] | |
| • Penyampau | 46,200 |
| Ethnicity | Lun Bawang, Bruneian Malay and Kedayan, Iban, Chinese, Others |
| Website | https://lawasdc.sarawak.gov.my |
Lawas nya nengeri mit ke nyadi indu nengeri Pelilih Menua Lawas, Begian Limbang, Sarawak, Malaysia. Pelilih menua tu ngemesai 3,811.90 kilometer persegi, sereta ngembuan penyampau tubuh sepemayuh 46,200 (pengawa ngitung tubuh 2020). Penyauh nengeri tu ari indu negeri Sarawak, iya nya Kuching 1,200km ari nengeri tu, lalu nengeri tu 200 km ari indu nengeri Sabah, iya nya Kota Kinabalu.
Asal nama
Bisi sekeda versyen cherita asal nama "Lawas". Iya diriputka datai ari leka jaku Melayu luas. Maya kelia, orang suah agi ngentapka diri ba kandang endur ti lantang lalu enggau nya mengeri tu ada.
Ba versyen cherita bukai, bisi sekali seraban orang dagang ke diserang lalu diburu bala lanun ba nanga sungai Lawas. Bala orang dagang mujur belalai ba tengah babas lalu bala lanun enda tetemuka sida. Berasai lantang sereta likun, bala pedagang lalu mulaika diri ke tasik. Dalam dialek menua nya, "Lawas" mai reti "pengelantang, likun, enggau selamat".[2]
Sejarah
Maya 7 September 1901, Kompeni Borneo Utara British (BNBC) udah bulih hak merintah sungai Lawas ari Kesultanan Brunei dalam tuju deka nagang pengawa mai senyata belalai ti bekereja ngelaban perintah BNBC di Borneo Utara (Sabah ke diatu) enggau pengawa bedagangka ulun di kandang menua pelilih menua Lawas. Bisi dua bansa hak bisi dalam sistem perintah Brunei iya nya sungai kerajaan (sungai perintah) enggau sungai tulin (sungai kediri). Pengawa perintah ti nguasa sungai nya nyengkaum hak ba semua mineral ti ditambang ari sungai nya enggau hak masuk champur enti sema bisi penyarut politik nyadi ngelingi sungai nya. Pengawa ngempu sungai nya peribit beguna baka pesaka peribit ti nyengkaum hak ngumpul chukai ari peranak ti diau semak sungai nya.[3]
Maya nya Pengiran Abu Bakar enggau Pengiran Tajudin bisi ngembuan hak peribadi ba sungai Lawas. Sida enggai nyerahka reta peribit sida ngagai BNBC tang keran deka nyual hak sida ngagai Raj Sarawak. Lebuh Konsul British di Labuan ngaga pemutus penemu ti madahka BNBC patut megai sungai Lawas ngena chara kasar, dia Pengiran Abu Bakar lalu jampat ngangauka Rajah Charles Brooke ari Raj Sarawak ngambika merintah sungai Lawas. BNBC keterubah iya enda lantang ati enggau Brooke ti ngaul diri dalam pengawa ngatur sungai Lawas. Tang, dalam bulan November 1904, BNBC mutuska deka nyual hak perintah sida ngagai Brooke berindik ari pengempu peribit ti enggai bekerejasama enggau BNBC; ngambi sungai Lawas enggau chara kasar semina deka ngujungka mayuh agi pengawa ngelaban BNBC lalu nguras rizab duit tunai BNBC. Kena 19 Januari 1905, sempekat udah disain entara BNBC enggau Rajah Charles Brooke ti meda pengawa nyerahka sungai Lawas enggau rasmi ngagai perintah Brooke dikena nukar 5000 paun enggau beberapa kandang endur pentadbiran ngelingi teluk Brunei ngagai BNBC. Sempekat udah nya dijapai enggau pengempu peribit ngambika nyual sungai Lawas ngagai perintah Brooke enggau pampas 6,000 dollar setaun ngagai pengempu peribit ..[3]
Perintah
Lawas nya sebagi ari Pelilih Menua Lawas, ke nyadi bagi ari Begian Limbang, siti begian ba Sarawak, Malaysia.
Malin
- ↑ "The Official Portal of the Sarawak Government". sarawak.gov.my. Diambi 2022-12-06.
- ↑ "Latar belakang (Background)". Majlis Daerah Lawas (Lawas District Council). Diarkib ari asal on 2 July 2018. Diambi 24 October 2018.
- ↑ 3.0 3.1 Habid's Buhigiba, Mohamad Bustamam; Suffian, Mansor; Mohd, bin Shamsuddin (2018). "Pembentukan daerah Lawas sebagai daerah terakhir bersama kerajaan Sarawak (The formation of Lawas district as the last district in the Sarawak government)". Jabatan Sejarah Universiti Malaya (University of Malaya History Office) (id jaku Malay). 27 (1): 55–80. Diarkib ari asal on 2018-10-24. Diambi 24 October 2018.