Wp/iba/Bidayuh
Orang Bidayuh (tauka Land Dayak) ianya siti ari raban bansa ti diau ba begian barat Sarawak (ba begian Kuching enggau Serian) sereta ba utara Kalimantan Barat, Indonesia. Nama 'Bidayuh' mai reti 'orang ti diau ba tanah'. Ba Sarawak, sida ulih dibagi ngagai lima pechahan etnik ianya:
- Selakau/Lara (Daerah Lundu)
- Jagoi/Singai (Daerah Bau)
- Biatah (Daerah Kecil Padawan)
- Bukar/Sadong (Daerah Serian)
- Kuching Tengah / Bidayuh Baru / Bidayuh Moden (Menua Tengah Entara Padawan Enggau Bau)
Mayuh orang Bidayuh megai pengarap Kristian enggau sekeda ari sida ti megai pengarap Islam.
Jaku[edit | edit source]
Ba Sarawak, bisi dalam 25 itu dialek Bidayuh, enggau cunto Biatah, Singai-Jagoi, and Bukar–Sadong[1], tang jaku-jaku tu ulih dipechah agi laban bisi bida entara jaku-jaku Bidayuh ba menua enggau menua ti bukai. Orang Bidayuh ari Serian ti bejaku enggau jaku Bidayuh Bukar-Sadong (tauka Bibukar) enda mereti jaku Bidayuh ari Padawan (tauka Biatah) enggau jaku Bidayuh ari Bau. Jadual tu mandingka jaku-jaku Bidayuh.
| Iban | Bidayuh Bukar-Sadong | Bidayuh Biatah | Bidayuh Bau-Jagoi | Bi-Annah |
|---|---|---|---|---|
| Apai | Amang | Sama | Sama | Sama' |
| Indai | Andĕ / Ayang/ A'nek | Sendo | Sino | Sin(d)ū' |
| Aku | Aku | Ěku | Oku | Aku' |
| Pemakai / Utai Dempa | Pima'an | Pimaan | Pinguman | Pinguman |
| Asi | Songkoi / Sungkoi | Tubi | Tubi | Tubi' |
| Dik / Nuan | Amu | Ku'uh | Mu'uh | Ku'u |
Penerang[edit | edit source]
- ↑ Shiv Shanker Tiwary; P. S. Choudhary (2009). Encyclopaedia of Southeast Asia And Its Tribes (3 Vols.). Anmol Publications. p. 247. ISBN 978-81-261-3837-1.