Wp/iba/Belaban Hidup: Infeksi Zombie

Belaban Hidup: Infeksi Zombie
Directed by	Ray Lee
Written by	Misha Minut Ray Lee
Produced by	Ray Lee Misha Minut
Starring	Pekin Ibrahim Altimet Pablo Amirul Tegar Septian
Music by	Beat The Sytem Misha Minut Depha Masterpiece The Crew
Production Template:Pluralize from text	Hornbill Films Harry Aziz Entertainment
Distributed by	Metrowealth Pictures
Release dateTemplate:Pluralize from text	Ogos 28, 2021 (2021-08-28) (Malaysia)
Running time	92 minit
Menua	Malaysia
Jaku	Iban Melayu

Belaban Hidup: Infeksi Zombie ("Perjuangan Hidup: Jangkitan Zombi" atau "Zombie Infection: Fight For Life") iya nya filem seram indie Malaysia taun 2021 ti diarahka Ray Lee lalu dikarang Misha Minut Panggau ke alai sida mega nyadi pengeluar, penulis enggau pengatur pengawa.

Filem tu nyadi tebilang lebuh iya mujur dichalun lalu bulih 20 iti anugerah filem pemadu manah dalam kategori filem pemadu mayuh, filem seram pemadu manah, dipilih enggau rasmi ba pengerami filem di serata dunya baka di Singapura, Jipun, Mexico, India, Rusia, Amerika Serikat, Australia, Sepanyol, enggau Filipina.

Sinopsis

Filem nya nusui cherita eksperimen biologi ti enda sah ti digaga seraban pengganas menua luar ti udah ngujungka penusah besai nyadi lebuh bumi Borneo dalam gaya kronik pengudah rayat dia dikeruga virus ti baka zombie. Situasyen nya nyadi epidemik pengudah epidemik tu ngerekai enggau jampat sereta enda ulih ditagang. Pemungkal eksperimen nya, Dr George (Rusia) enggau raban iya mindahka operasyen sida ari Pulau Comoros ngagai Pulau Borneo. Seraban anak patu balu enggau orang asal udah kena tipu Dr. George lalu dikena nyadika kereban pansik sida. Taja pia, pengudah nemu bisi peluang sida deka dibunuh, sida nguji ngelarika diri tama kampung ngiga pengelikun ari orang Iban ke diau di menua ulu. Tang sayau amat, penatai sida nya narit ati orang nyangka lebuh bansa Iban dalam kampung nya mega nyadi mansa serang undead nya.

Pelakun

• Puteri Adrianna nyadi Sona
• Altimet nyadi Sukma
• Pablo Amirul nyadi Gadang
• Faha Azhar nyadi Farish
• Reyza Fenge nyadi Rey
• Katrina Grey nyadi Christina
• Cast Kazama nyadi Ichai
• Ray Lee Voon Leong nyadi Kunyo
• Ichak Mandie nyadi Lenggit
• Leighton Manjah nyadi Apai Ujang
• Anna Melissa nyadi Jawai
• Nelissa Nizam nyadi Ayu
• Hakim Nordin nyadi Hakim
• Priscillia Olivia nyadi Zombie
• Sharlene Ormilla nyadi Mayang
• Cassidy Panggau nyadi Sidi
• Misha Minut Panggau nyadi Ibu Rey
• Tegar Septian nyadi Joko
• Weeam Shawaheen nyadi Dr. George
• Noel Tony nyadi Engkule
• Pekin Ibrahim nyadi SWAT
• Yuyue Madius nyadi Kina
• Zeina Debo nyadi Isteri Dr.George

Pengeluar

Asal iya, filem tu Belaban Hidup (Idup) iya nya filem pandak pengelama 5 minit ti diberi nama (Belaban Idup) ti digaga ba Ampang Pecah, Kuala Kubu Bharu, Selangor lalu dikeluarka dalam taun 2015 ulih Ray Lee enggau Misha Minut Panggau. Misha Minut Panggau siku pengeluar filem Dayak ti nempa penemu asal filem seram zombie Belaban Hidup kenyau ari taun 2015 begulai enggau Ray Lee ti ngemansangka penemu asal tu nyadi filem, iya diiri enggau budaya bujang berani Dayak ti begari ngena baju gagung enggau udah nya ditambah nyadi filem penuh 91 minit lalu mujur ditembuka dalam taun 2020.

Misha Minut mega nyadi penyanding penemu ba pekara Iban, budaya enggau props dalam filem tu. Filem tu iya nya filem Dayak ti keterubah diasilka pengeluar indu Dayak Sarawak Misha Minut Panggau ti beasal ari Limbang sereta kala bulih anugerah ba tikas antarabansa. Menteri Besai Ke-8 Tan Sri Muyhiddin Yassin mega meri pengaga ati ngagai tim Belaban Hidup.

Nya alai bisi 10 buah gerempung Dayak enggau Gerempung Pengarah Malaysia (FDAM) meri setipikit kelala ngagai filem tu. Kelimpah ari nya, petunggal Sultan Selangor, Y.A.M. Tengku Dato Dr Hishammuddin Zaizi Y.A.M Tengku Azman Shah Al-Haj ibni Al-Marhum Sultan Hishammudin Alam Shah Al-Haj, Tukang Wang Tengku Selangor mega bisi meri setipikit pengaga ati.

Filem tu udah menang filem pemadu manah ari Festival Filem Diversiti Kanada, Festival Filem Paris, Anugerah Sinematografi Asia (diatur Fakulti Filem Universiti Filipina) lalu dipilih festival seram pemadu besai ungkup pengawa mandangka ari Mexico, Amerika Syarikat, England . enggau Jepun baka Festival Filem Seram Antarabansa Macabro Mexico City enggau Festival Filem Fantastik Antarabansa Yubari, Festival Filem Seram Portland, Phoenix FearCon (tayangan) dalam bulan September enggau Oktober 2021. Festival Filem Antarabansa Sanctuary Film Australia enggau Festival Filem Indie Ozie udah milih filem tu ungkup taun 2021. tayang di Australia dalam taun 2022. Media menua tu enggau antarabansa baka Bernama, South China Morning Post, Nikkei Asia, AlJazeera, Mediacorp enggau Fangoria, Deadline mega bisi mantaika pemujur filem Belaban Hidup.

Siaran Malaysia udah berengkah kena 28/8/2021 ba Astro First enggau Hulu TV Jipun kena 16/9/21.

Link luar

• Template:If empty at IMDbTemplate:EditAtWikidataTemplate:Wp/iba/WikidataCheck