Wp/blc/Sulut

wa umq'um ts ala sulut ts

Wic wa sulut ts wa umataycs wa qla snuxums uuxnk wiclh tu smt txw. Way s7ilusis wa qla ts wa kulhikuutss wa sulut ts, tsutaw snut's txw alhtxw, sulut-tum txw. Wic tuu "ssulut" s7alh7ayutsmim wa nut's wa qla ts, wa amatalhilh s7assulutalhilh ala asiknalus wa smtilh ats. Suluttum wa mntalh ts s7ayalhilh ulh tu itskw' t'axw, was ulh Kw'alhna, ulh Sutslh, was ulh talyuu. Ats'aaxlh-tum tu sulut txw alh Talyuu. S7usqanu ala sulutilh ats ulh tu alsqa t'axw, tsutaw s7alhinu ts'n ala alsqa ts. ayutsakw'tuu s7alhinu ala sasqw' wa sulut ts.

ti s7alh7ays wa sulut ts

stculatl'suuts was nutakans

Anutakananm ts' ala kulhuuts ats

Ala tsay wa kp wa ts'klaktanmaak ts putl's wa lhnusanmaak ts putl's wa mawlxanmaakii putl's wa ts'icwanmaakii ts s7anutakananms. Txulhanmaakam ts'n stculatl'suuts wa qla ts. Tic tu tl'uk' tx ti si7ays wa sulut ts, stculatl'suuts ula st'qmuuts ts. Ta st'qmuuts, nutakans tuts'. alh7ayutsaw k'u s7anutakan wa snknicilh ts wiclha sulut ts, wa mtm ts, wa ts'ikwa ts. Wic its'ika si7alh7ayutsawk'u s7anutakananm wa sulut ts.

wa st'uctsi ts

Kamalh7asuk'liwas ala sulut ts, aystuts' wa st'ucsi ts slhkw'lctimuts. Ka iklhlcitimutnu ulh ta alsqa t'axw, ka ustcwnu ula amatalhs wa umq'um ts - wa lhk'uulh wa st'ucsi. lhwaalhkw'p mak'u ti stsakws wa st'ucsi, muskw'p kwmatuu ala matl'ap ts. Kanalh7ayalhnu ulh uwiki, ula alsqayanuts ts, ka lhkw's ka umtl'um ts, wa st'ucsi ts stayamktsuts ula kulhuuts ts.

wa sulutlh wa amat

wa kulhuuts ts

wa kulhuutss wa tsalh

Wic wa kulhuuts ts wa amats smustmacws wa kulhulmc ts ula qla ts. Kulhuuts-tum wa kulhikuutss wa sulut ts, wa ts'alh ts, wa anuxum ts. Kulhuuts-tum wa umaylayc wa amatuuts ala sulut ts - wa clhskwatsta wa amataaxuts ts.

wa aqw'an ts

Aqw'an-tum wa stapusliwa wa umat ts ala kulhuutss wa qla ts. Paaxulhla wa aqw'an ts suk'tsuts ala sulut ts, wic s7axw mas tuulwamktsutnu ska usqtimutnu ala qla ts ala alh7ay wa amat ts.

Wa ninits ts ala sulut ts

wa sulutlh wa nmnmk' ts

• Ascw
• K’nts
• K’ult
• Kw’ni
• Nukwi
• Stulkw
• Syut
• Tl’ixin

wa sulutlhh wa smlhk ts

Ayalhnu mas ulh "Smlhk" Si7acwsalctimutnu ala sulutlhh wa smlhk ts.

wa sulutlhh wa tsitstsipii ts

• qw’litq
• Spyu
• kasmlhkm

wa sulutlh wa alhpus ts/wa alhkwtl' ts

• Lq’llis
• Aytsaym
• K'amk'
• Lhaq's
• 7lats