Wp/bew/Amason (matskepé)

From Wikimedia Incubator
< Wp‎ | bew
Wp > bew > Amason (matskepé)
Amason punya lambang

Amason (hurup Arab Gundul: اماسون) atawa aslinya Amazon.com, Inc. entu atu usaha dalem-jaringan Amrik èn matskepé dènes mèga. Ni matskepé dikeja 5 Juli 1994 ama Jeff Bezos. Ni matskepé ngejogrog di Siatel, Wasingten. Ni – toko berales internèt palig gedé di dunia kalu diliat deri penjualan èn pemodalan pasarnya.[1][2] Sanonya, Amason mulain jadi toko kitab dalem-jaringan. Mancan mingkin gedéan, dia juga' jualan DVD, Blu-ray, CD, comotan/rojogan dedelengan, MP3, kitab dengeran, peranti alus, gim delengan, alat lèstrik, pernak-pernik, mèbel, makanan, maènan, èn hata periasan. Amason juga' ngeja alat lèstrik pemaké kaya' pembaca lèstrik Kindle, papan lè Fire, tipi Fire, èn Echo. Ni juga' jadi pengongsog ladènan dènes mèga paling gedé di dunia.[3] Amason juga' jual produk kaya' kabel USB nyang maké nama AmazonBasics.

Amason ngelah pelampang jala kètèngan sendiri-sendiri bakal Amrik Serèkat, Arhèntini, Brasil, Kerajaan Rempug, Prasman, Irlan, Kanada, Kolombia, Dètslan, Ostrali, Itali, Welanda, Spanyol, Portugal, Jepang, Polen, Mèksiko, Swèden, Turki, Imarat Arab Rempug, èn Kiblik Hindi. Amason juga' nanjain penganteran antérobangsa ke berapa negara bakal berapa deri dia punya produk. Tahon 2016, pèrsi basa Welanda, Polen, èn Tami deri pelampang Amason Dètslan diterebitin.

Ruju'an[edit | edit source]

  1. Jopson, Barney (12 Juli 2011). "Amazon urges California referendum on online tax". Financial Times. Diarsipin deri nyang asli per 14 Juli 2011. Dipungut per 5 Sèptèmber 2023.
  2. "Inside Amazon: Wrestling Big Ideas in a Bruising Workplace". The New York Times. 16 Agustus 2015.
  3. Synergy Research Group, Reno, NV. "Microsoft Cloud Revenues Leap; Amazon is Still Way Out in Front - Synergy Research Group". srgresearch.com.