Wp/bew/Dedelengan

Tulad dedelengan cara bikin makaroni kéju

Dedelengan (hurup Arab Gundul: ددلڠن) atawa tetempoan (hurup Arab Gundul: تتمفوان) atawa orang pada bilangnya pidio entu tèhnolohi pengiriman sinyal lèstrik deri atu gambar gerak. Penerepan umum deri ni sinyal dedelengan entu tipi, mar juga' kena dipaké di laèn-laèn aplikasi di rungkun tèhnik, ilmiah, produksi, èn keamanan.

Istilah Betawi

Sebab kata video asalnya deri basa Latèn nyang artinya 'saya liat', mangka, bentuk pantesan polosan Betawinya ièlah dedelengan atawa tetempoan. Ni bentuk diambil deri kata kerja deleng atawa tempo nyang sekupu' ama kata kerja Latèn videō. Itu kata kerja diulang awalannya èn ditambahin akiran -an nyang salah atu artinya 'atu hal nyang diapain', tuladnya: seserahan 'atu hal nyang diserahin'.

Adapun kalu dipaké jadi kata penyipat—tulad, video games (Ing.)—bentuk nyang dipaké cukup delengan atawa tempoan aja, tulad: gim delengan.