Wp/bew/Kanada

Kanada Canada (Inggris) Canada (Prasman)
Ibu negeri	Otawa
Nama pengendek	Kanada

Kanada (hurup Arab Gundul: کانادة; Inggris: Canada; Prasman: Canada) entu negara nyang letaknya di Amrik Lor èn watesan ama Amrik Serèkat di bekidul ama bekulonnya èn Grunlan di belah lor-wètannya. Sebagé lagi, ada berapa laotan nyang nyempèt ni negara, antara laèn Laotan Atlantik di blètannya, Laotan Teduh di bekulonnya, èn Laotan Kutub Lor di blèlirnya. Ni negara punya hopstad Otawa. Ni negara jenggar kabèhannya 9.984.670 km² (3.855.100 mi²). Mangkanya, ni negara, kalu diliat deri dia punya jenggar kabèhan, paling gedé nomer dua dah seantéro dunia. Di sono, ada barang 39.858.480 orang nyang tinggal di mari. Adapun dia punya basa resmi entu basa Inggris ama basa Prasman.