Wn/shn/ယွၼ်ႉၽေးမႆႈ လႄႈ ႁူင်းႁဵၼ်းတီႈ ၾီလိပ်ႈပိၼ်း ဢိုတ်းဝႆႉႁူဝ်ပၢၵ်ႇမၼ်း

ဝၼ်းပုတ်ႉ၊ ဢေႇပရႄႇ 3၊ 2024 

လုၵ်ႈႁဵၼ်းတီႈ ၾီလိပ်ႈပိၼ်း

တီႈမိူင်းၾီလိပ်ႈပိၼ်းၼႆႉ တၢင်ႉလူမ်းမႆႈၶိုၼ်ႈသုင်ႁဵင်း ထိုင်ပေႃးတေၸၢင်ႈပဵၼ်ၽေးလႄႈ ႁူင်းႁဵၼ်း တီႈ ဝဵင်းလူင်မၼီႇလႃႇ ဢိၵ်ႇတင်း တီႈပတ်ႉပိုၼ်ႉမိူင်း ႁူင်းႁဵၼ်းႁူဝ်ပၢၵ်ႇမၼ်းၼႆႉ တႄႇဢဝ် လိူၼ်ဢေႇပရႄႇ 2 ဝၼ်းသေ လၢႆးၵၢၼ် ဢၼ်တူဝ်ၶိုၼ်ႈႁွတ်ႈတီႈႁူင်းႁဵၼ်းၼၼ်ႉ လႆႈၵိုတ်းဝႆႉၼႆ ၽူႈမီးပုၼ်ႈၽွၼ်း ၽၢႆႇပၢႆးပၺ်ႇၺႃႇၶဝ် မွၵ်ႇလၢတ်ႈဝႃႈၼၼ်ယဝ်ႉ။

ပေႃးသွၼ်ႇပႃး Humidity လွင်ႈမိုၵ်းယမ်းၼႂ်းလူမ်းသေၼႆ တီႈဝဵင်းလူင်မၼီႇလႃႇၼၼ်ႉ မိူဝ်ႈဝၼ်းဢင်းၵၢၼ်းၼၼ်ႉ မီးလႆႈထိုင် 42 တီႇၵရီႇ သႄးသီးယႅတ်ႉသေ မိူဝ်ႈၼႆႉ ဝၼ်းပုတ်ႉၼႆႉတႄႉ တေၸၢင်ႈမီးထိုင် 43 ဝႃႈၼႆယဝ်ႉ။ တီႈ ဝဵင်းတၢင်ႇၸိူဝ်း ႁူဝ်သိပ်းဝဵင်းမၼ်းၼၼ်ႉၵေႃႈ တေမီးလႆႈ တၢင်ႉလူမ်းမႆႉမိူၼ်ၼင်ႇၼႆၼႆ ၸိူဝ်းပဵၼ် ၽူႈလူင်ႉလႅၼ်ႇ ၶၢဝ်ႇငၢဝ်းၽူၼ်လူမ်းၶဝ် လႆႈလၢမ်းသွၼ်ႇဝႆႉယူႇ။

မိူဝ်ႈဝၼ်းဢင်းၵၢၼ်းၼၼ်ႉ တၢင်ႉလူမ်းမႆႈ တီႈဝဵင်း မၼီႇလႃႇၼၼ်ႉ မီး 35.7 တီႇၵရီႇသႄးသီးယႅတ်ႉလႄႈ လႆႈဝႃႈ တိုၵ်ႉယွမ်းလိူဝ်သေ တၢင်ႉလူမ်းမိူဝ်ႈသုင်သုတ်း မိူဝ်ႈပီ 1915 ဢၼ်မီး 38.6 တီႇၵရီႇသႄးသီးယႅတ်ႉၼၼ်ႉယူႇ ဝႃႈၼႆ။

ထၢၼ်ပၢႆးပႆႇၺႃႇ ၾီလိပ်ႈပိၼ်းတႄႉ ဢမ်ႇလႆႈပိုၼ်ၽၢဝ်ႇဝႆႉ သဵၼ်ႈမၢႆတႅတ်ႈတေႃးဝႃႈ ႁူင်းႁဵၼ်းဢၼ်လႆႈဢိုတ်းဝႆႉ မီးၵႂႃႇႁိုဝ်ႈဢၼ်ဝႃႈၼၼ်ႉ ၼင်ႇၵဝ်ႇ။

ၵေႃႈမိူၼ်ၼင်ႇၼၼ် တီႈဢေးသျႃး ၸဵင်ႇၸၢၼ်းဝၼ်းဢွၵ်ႇၼၼ်ႉ မျၢၼ်ႇမႃႇ ဢိၵ်ႇတင်း မိူင်းထႆး လႄႈ တီႈမိူင်းတၢင်ႇၸိူဝ်းၵေႃႈ ၼႂ်းဝူင်ႈဝၢင်ႈၼႆႉ တၢင်ႉလူမ်းမႆႈ တိူဝ်းၶိုၼ်ႈသုင်မႃးယူႇလႄႈ ၽူႈမီးပုၼ်ႈၽွၼ်းၶဝ် ပိုၼ်ဢွၵ်ႇၶေႃႈပၼ်ၽၢင်ႉဝႆႉယူႇ။

ငိူၼ်ႈငဝ်ႈတိုၼ်း

• VOA News. "ဖိလစ်ပိုင်မှာ အပူချိန်အန္တရာယ်ကြောင့် စာသင်ကျောင်း ရာနဲ့ချီပိတ်" — VOA News, April 2, 2024
• Camille Elemia. "Extreme heat forces Philippine schools to cancel in-person classes" — Benarnews, April 2, 2024