Wn/cdo/摜粥摜遘厝門口 師生齊唱三落厝

From Wikimedia Incubator
< Wn‎ | cdoWn > cdo > 摜粥摜遘厝門口 師生齊唱三落厝
Jump to navigation Jump to search

【2019年3月5號訊】

每蜀回遘後九節,福州三中其學生志願者也會送裏厝,乞老儂食(資料圖)

今旦日(3月5號)就是後九節了。只幾日,福州節日活動野価。

只蜀月日其月頭(3月1號),福建省少年兒童圖書館有做「儂家其節日·後九節」活動,圖書館前首其廣場坐了五百幾隻老儂,現場有歌聽,有舞蹈看,固有粥食。

「糠養豬,米養儂,鴨母生卵填主儂……」福州十六中其先生共學生固有唱福州歌《三落厝》,仱昨暝(3月4號)發佈了MV。《三落厝》只題歌也是昨年第三屆福州語歌曲大賽全球總決賽福州賽區少兒組其蜀隻晉級選手唱其歌

今旦,福州三中其學生志願者也「摜粥摜遘厝門口」,去覷邊兜社區其老儂,固有退老其先生。

後九節雖然是傳統節日,但是風俗也敆𡅏慢慢變化。福州一中福州話研學其採訪組仈曾有做「福州傳統民間節日共習俗」其採訪,蜀隻女界表示:「做細其辰侯,鄉里都是新婦著後九節只蜀日自家煮後九粥乞依爸依媽食。不過只久我自家當了老媽,平常也會直接去超市買後九粥乞個郎厝儂食。」不過無管風俗將將變,節日其內涵都儥變。固加對外首讀書、工作其儂來講,只蜀日食蜀碗粥,也會使安慰囇自家想厝其心

消息來源[edit]

原創報導
這報導有維基記者第一手新聞。可以看討論頁了解詳情。