Wn/cdo/拗九粥香氤氲榕城 遊子千里思鄉情切

From Wikimedia Incubator
< Wn‎ | cdoWn > cdo > 拗九粥香氤氲榕城 遊子千里思鄉情切
Jump to navigation Jump to search

【2018年3月16號訊】

今旦下晝5點1刻,福州三中倛學生志願者也去達明新村共三中教職工宿舍,送粥裏厝,乞老儂食。詳情請期待明旦維基新聞倛報導

今旦(16號)正月廿九,是福州傳統節日拗九節。茲蜀日,野価福州儂都會食復甜復熱倛拗九粥

維基記者採訪了兩隻現在讀大學倛福州儂,蜀隻固著本地,蜀隻著外兜。著本地倛今旦暝晡無轉厝,宿舍也無辦法煮,就帶朋友去學校附近倛館店,食去粥,心定定。伊朋友是泉州儂,來遘福州乍會仈有茲萆節日,見覺野有味。頭蜀回食拗九粥,伊講:「野有好。」

著外兜讀書倛表示,遘了別塊,看見了𣍐蜀樣倛世界,也更加珍視自家家鄉倛特色文化。前幾日伊就意識遘「此刻就是拗九」,但是別塊儂基本𣍐仈固有茲蜀萆節日,伊來自三明倛福建同鄉都𣍐會意拗九是什乇,真是出了十邑無儂過。

伊也探究了茲萆節日倛歷史。福州儂一般講拗九節來自目連送粥救母倛傳說,嚽是佛教故事。但是伊看了《大藏經》,發現㑚有目連救母,無送粥。㑚是講遘了福州,佛教傳說共食粥習俗結合,就有了富有本地特色倛講法。嚽反映了古代福州儂對孝文化倛價值追求。

遘暝晡9點左右,伊去食雜店,買了蜀罐八寶粥,寄託伊倛鄉愁。伊想西湖邊倛古柳,金雞山倛福道;想南後街倛人海,鼓嶺頂倛𩄻霧;想愛變就變倛天氣,看熱罔熱倛氣溫:伊只蠻想厝。

消息來源[edit]

原創報導
這報導有維基記者第一手新聞。可以看討論頁了解詳情。
Wikipedia-logo.png
汝可以敆維基百科𡅏看蜀看共這新聞有關係其條目: