Wb/nia/Wikibooks:Monganga afo/2021

Proposal Wikibuku Li Niha

Ya'ahowu ira talifusö fefu. Moroi ba wangohalöŵögöigö Wiktionary ba Wikipedia Li Niha, itugu ara itugu oroma wa moguna sibai khöda Wikibuku. Me andrö gohitö dödöda ba wama'anö li, waö-waö ba hada Nono Niha (bahasa, sejarah dan budaya Nias) ba si lö tola lö'ö moguna Wikibuku si tobali nahia wangowuloi fefu zinura sanandrösa ba li, waö-waö ba hada andre si lö faudu ba ensiklopedia: fefu nidunö-dunö, angolita, sinunö, hoho, btn. Hadia fao dödömi?

Na fao ba dödömi, eluahania si lö tola lö'ö so: Syarat keaktifan adalah minimal 3 kontributor aktif setiap bulannya dan harus bertahan minimal selama 5 bulan berturut-turut. Kontributor aktif adalah kontributor yang membuat 10 suntingan setiap bulannya

Duma-dumania tola tabagi halöŵö:

• Apollo: fefu zinunö ba Li Niha ma zui dongeng anak
• Yasanto: fefu huhuo sebua ndra amada/inada fandrita, famahea taroma li ma zui dongeng anak
• Sirus: fefu zinura sanandrösa ba hoho, manö-manö, hendri-hendri btn.

Da'a ha duma-duma. Tola mibe zöndra bö'ö ma zui mi'ohalöŵögöi zabölö adöni ba dödömi. slaiatalk 09:31, 8 June 2021 (UTC)

 Fao dödögu.  börö me moguna sibai ba dokumentasi Li Niha. slaiatalk 09:31, 8 June 2021 (UTC)

 Fao dödögu.  börö me Wikibuku andre tola möi fangebolo'ö mbolokha ngawalö zifakhai ba hada, ba ngawalö zalua (sejarah), hikaya, simöi fondrou'ö ba waosatö dokumentasi Li Niha. Yasanto Lasetalk 12:14, 10 Pebruary 2022 (UTC)

Buku ba hada

Oya urongo niha sanguŵa'ö, si lö tola lö'ö tarorogö hada khöda. Ba fao sibai dödögu ba da'ö, hiza i khögu samösa hada andrö ba budaya tenga ha adat.

Ba hiza hewisa wondrorogö hada khöda na itugu ara itugu lö fahuhuo ba Li Niha niha khöda ba lö göi buku ma sinura si tola labaso sanandrösa ba hada khöda? Hewisa tola irorogö hada khöda iraono si bohou ebua ba zalua si manö? U'adogo'ö wanguŵa'ö: lö tola. Impossible laŵaö niha Inggris.

Börö da'ö moguna ngawalö mbuku ba sinura tanö bö'ö si tola labaso niha, si lö moguna la'öli (no fagölö manö ita fefu fagambö-gambö), si lö iklan si mane si to'ölö ta'ila ba Internet ba si lö taha-taha wangoguna'ö ya'ia (bebas laŵaö ba Li Indonesia).

Da'ö guna Wikibuku andre! Ma hewisa molo'ö ya'ugö?

Fanolo si föföna

Ba si tobali lala wanöndra fehede si no oi olifu ita ube ba da'a buku Zura Ni'amoni'ö ni'ali H. Sundermann. Ba hiza ohitö dödö sindruhu tenga dokumentasi (wame ya'ia ba da'ö simane me laraka ia). Ohitö dödö sindruhu: ena'ö tola tabaso ba lala wanura ni'ilada ma'ökhö, ya'ita si no to'ölö ba ejaan bahasa Indonesia.

Andrö wa no mubulö'ö lala wanura Sura Ni'amoni'ö andrö. Tenga Soera Ni'amoni'ö ba hiza Sura Ni'amoni'ö. Tenga ochötagu ma zui ochötau, ba hiza okhötagu ma okhötau. Tenga hilihili, ba hiza hili-hili. Ena'ö aoha khöda ta'o'ö manö nifotöi EYD moroi ba Li Indonesia!

Ohitö dödö saröu miföna

Na ömane, hadia guna wa tarorogö hada khöda? Hadia lö abölö sökhi ta'olifugö manö ia ba talau wö i fali Indonesia ma Inggris?

U'adogo'ö manö: lö'ö. Molo'ö wangi'ila ndra ere ba sosiologi faoma antropologi, niha si no todeha moroi ba hadania, ba wa alio ma ara toraso khönia wangalui nifotöi identitas. Na isöndra identitas sindruhu, ba tola mofozu wa'aurinia. Ba hiza na lö isöndra identitas sindruhu si lö tola lö'ö tobali ia bulan-bulanan moroi ba identitas si sambua möi ba identitas tanö bö'ö ba tanö bö'önia na. Itaria ta'ila ira. Ono Niha si no mangolifugö hadania, tobali ia töra islami ia moroi ba niha Islam, ma zui töra kristiani ia moroi ba niha Kristen, ma zui töra niha mbae'a ia moroi ba niha mbae'a, ba tanö bö'önia. Laŵaö ba Li Indonesia: tobali radikal. Lafotöi da'ö niha si no todeha moroi ba ŵa'ania (orang yang telah tercabut dari akarnya). Ha niha si tetaro ba hadania samösa tola tobali dania niha Kristen sindruhu ma zui Islam si sökhi. Ha niha saro tödö ba hada Nono Niha tola tobali sindruhu niha mbae'a ba Danö Mbae'a.

Da'e wangera-ngeragu. Sura ba da'e tou hewisa molo'ö ya'ugö, na fao ba dödöu ma zui lö'ö. slaiatalk 11:02, 31 January 2021 (UTC)

Templat Döi Zinunö

Moguna ndra bapa ere gu'ö ba womböi khöda templat töi zinunö (lirik lagu) ena'ö fagölö fefu, na tola ube'e zöndragu, ndroto-ndroto ni'oguna'öda, ya'ia"

• Högö zinunö:
• Somböi:
• So'anunöisi siföföna:
• Töi Album:
• Döfi womböi:

(Na tola, data da'a tafurugö tabe'e ia bakha ba boks)

Saohagölö. Laseapollo (talk) 01:25, 15 March 2021 (UTC)

Ya'ahowu, Pak Apollo. Tola tefagamöi templat simane da'ö. {{Wb/nia/Sinunö}}

Fabaliwa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö