Wb/nia/Tito/3
Folo'ö li zalaŵa[edit | edit source]
I. 1 Fasugi ba dödöra, fa la'o'ö li zalaŵa, ba li zokhö ya'ira, fa lafondrondrongo, fa böi abua gölöra, ba wolau si sökhi, fefu, hadia ia.[1] 2 Böi latandraŵaisi niha, ha niha ia, böi fasoso-soso, ena'ö lahaogö-haogö, ena'ö oroma, wa no a'oi so wa'ebolo dödöra, ba niha fefu.[2] 3 Ya'ita göi föna, ba noa sa si lö tödö, ba si lö molo'ö li, ba si no elungu, ba sawuyu wangisö andrö, ba sawuyu zomasi dödö andrö, si no oya ngawalö; no tatörö lala si lö sökhi, awö lala wa'afökhö dödö; no ni'ogorofi ita, ba no faoma fatiu dödöda khö nawöda.[3]
4 Ba me no to'ele wa'asökhi dödö Lowalangi, sangorifi ya'ita, awö wa'omasinia niha,[4] 5 ba no i'orifi ita, tenga moroi ba mbua-buada, ba wa'atulö dödö, balazi wa'ahakhö dödönia andrö, ba wemondri andrö, ba wa'atumbu si bohou, ba ba wamohouni andrö, khö Geheha ni'amoni'ö,[5] 6 nihönania khöda, wolau ya'ia, nifa'ema Yesu Keriso, sangorifi ya'ita;[6] 7 ena'ö satulö ita, iŵa'ö Lowalangi, moroi ba wa'ebua dödönia, ba tötönaföda gondröita andrö, fa'auri si lö aetu.[7]
8 Si ndruhu daroma li andrö, ba omasi ndra'o, na öfaduhu'ö sibai da'ö, ena'ö owölö-ölö zi no mamati ba Lowalangi, wamalua bua-bua si sökhi. Da'ö zi sökhi, ba da'ö zoguna ba niha.[8]
Böi fagua-gua[edit | edit source]
II. 9 Ba amadöniŵa andrö, si lö boto, ba fanutunö nga'ötö, ba fasosota, ba fagua-guasa andrö, ba goroisa, ba böi babaya; lö'ö sa gunania, no si lö boto.[9] 10 Na so zi fasambua famahaö, ba böhöli, na no ötenaŵa ia, irege mendrua,[10] 11 ya'aboto ba dödöu, wa no tefuyu dödö zi manö, awö wa samazökhi horö ia, awö wa ya'ia zanguhuku ya'ia.[11]
Fango'ozui zura[edit | edit source]
III. 12 Na ufatenge khöu Gatema andrö, ba ma Tikhiko andrö, ba ta'i-ta'i ae khögu, ba Nikofoli; ba da'ö sa sodo na baŵa deu, uŵa'ö. 13 Tolo Zena andrö, sangila amakhoita, ba Afolo andrö, wama'anö ya'ira, ba wofanö, haogö, fa böi ambö khöra hadia ia.[12] 14 Ba ndramufamaha göi ira banuada, wanolo niha bö'ö ba zoguna, ndramuhaogö, fa böi si lö bua-bua si sökhi ira.
15 La'owai ndra'ugö awögu andre fefu. Owai fefu zomasi ya'ita, ba wamati. Yafalukha ami fefu wa'ebua dödö![13]
Famotokhi ba gahe[edit | edit source]
Fabaliŵa lala[edit source]
Olayama Zura Tito: 1 • 2 • 3
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö