Wb/nia/Tito/1
Fangowai[edit | edit source]
I. 1 Faulo zanura da'e, enoni Lowalangi andrö, sinenge Yesu Keriso, ba wamati nitutuyu Lowalangi andrö, ba ba wa'aboto ba dödöra zi duhu, ba wolo'ö li Lowalangi andrö,[1] 2 börö wanötöna andrö, fanötöna fa'auri si lö aetu andrö, nifabu'u Lowalangi, si lö mofaya, föna götö danö andre.[2] 3 Ba noa sa ifa'ele'ö daroma linia, me inötönia, ba wangombakha andrö, nibe'e ba dangagu, dali goroisa Lowalangi andrö, sangorifi ya'ita.[3] 4 Khö Dito andrö, si ndruhu nonogu, dali wa no faoma wamati. Yafalukha'ö wa'ebua dödö ba fa'ohahau dödö, khö Lowalangi Ama, ba khö Keriso Yesu, sangorifi ya'ita andrö.[4]
Amuata si sökhi zatua nitutuyu[edit | edit source]
II. 5 Da'ö mbörö, wa no uröi ndra'ugö ba Gereta, ena'ö ö'a'atulö zi tosai andrö, ba ena'ö ödozigö banua, wamataro satua; ö'o'ö niŵa'ögu khöu;[5] 6 na so zi lö sinegu, si ha sambua donga, si so ono samati, si lö turia wa'asilöyaŵa, ba he turia wa lö molo'ö li.[6] 7 Sanaro andrö sa, ba lö tola mosinegu, ya si mane satua zangai halöŵö, khö Lowalangi, böi same'e manö ba nikhoi dödönia hadia ia, ba böi si ono wönutö, ba böi samadu-madu tuo, ba böi si fabago-bago, ba böi sangalui ana'a si lö atulö;[7] 8 ha same'e-me'e gö dome, somasi si sökhi, satua-tua, satulö tödö, sohau-hau, si höndrögö si lö sökhi; 9 si lö mamöhöi taroma li si ndruhu andrö, si faudu ba wamahaö andrö, ena'ö faoma i'ila, he famarou tödö, ba wamahaö si ndruhu andrö, ba he famaduhu'ö tödö zamadaö andrö.[8]
Samaelungu ba Gereta[edit | edit source]
III. 10 Ato sa zi lö mamondrongo li, solau huhuo si lö boto, ba samowöhö niha bö'ö, abölö-bölö ba niboto.[9] 11 Nifa'afu bawa da'ö; ya'ira zamakuyu niha, so, ba samba omo manö, ba wamahaö si lö tola andrö, khöra, wangalui ana'a si lö sökhi.[10] 12 No iŵa'ö sama'ele'ö khöra, oi ya'ira, imane: "Sofaya manö Ndrawa Gereta andrö, utu ndru'u safaito, sedöna manö manga-manga lö halöŵö."[11] 13 Ba si ndruhu niŵa'önia andrö, ba andrö abe'e'ö wangotu'ö ya'ira, ena'ö atulö wamatira; 14 ba böi ndramu'o'ö waya-faya niha Yehuda andrö, ba amakhoita niha sangerogö si duhu.[12]
15 Ba zohau-hau tödö, ba lö hadia ia zalakha, ba ba zi ra'i-ra'iö, ba ba zi lö mamati, ba oi salakha manö, fefu, hadia ia; noa sa moda'i gera-erara, ba he tödöra.[13] 16 Laŵa'ö sa, no aboto ba dödöra Lowalangi, ba ba mbua-buara, ba la'osilö'ögö ia; ni'ogorofi ira, si lö mamondrongo li, ba si tebai ba mbua-bua si sökhi andrö fefu.[14]
Famotokhi ba gahe[edit | edit source]
Fabaliŵa lala[edit source]
Olayama Zura Tito: 1 • 2 • 3
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö