Wb/nia/Timoteo II/3

Add links
From Wikimedia Incubator
< Wb‎ | nia‎ | Timoteo II
Wb > nia > Timoteo II > 3

Famahaö famaelungu[edit | edit source]

I. 1 Ba böi zi lö aboto ba dödöu: so dania mbaŵa si lö sökhi, ba götö safuria andrö.[1] 2 Amuata niha ba da'ö, ba ha tana khöra la'alui, somasi ana'a ira, ba sanuno ya'ira, ba si fayaŵa, ba sanandraŵa, ba si lö mamondrongo li ndra amara, ba si tebai mangandrö saoha gölö, ba sango'aya Lowalangi,[2] 3 ba si lö mangomasi'ö awöra, ba si faröi, ba samöbögö si lö duhu, ba solau-lau manö hadia ia, ba si tebai ahono, ba si lö omasi si sökhi, 4 ba si manga mböli, ba si lö tödö, ba sebua hokha, ba somasi isö-isö dödöra, moroi ba wa'omasira Lowalangi;[3] 5 hulö solo'ö khö Lowalangi ira, wamaigida, ba no sangosilö'ögö fa'abölö wolo'ö andrö. Ba ya'ugö erogö niha si manö.[4] 6 Oi ya'ira sa zanöröi omo, ba wondrönisi ira alawe, si no fahöna horö, solo'ö manö fangisö dödöra, ha wa'oya ngawalö,[5] 7 si lö mamalö-malö wamahaö ya'ira, ba si tebai mogamö fa'aboto ba dödöra zi duhu. 8 Ba hulö si mane famadaö ndra Yane Yambere andrö khö Moze, si manö göi wamadaö da'ö no mege si duhu. Niha si no fakuyu tödö, si lö aro famati andrö.[6] 9 Ba lö'ö sa atö ara wolaura andrö, oroma sa dania ba niha fefu, wa si lö tödö ira, si mane ba khöra andrö föna göi.[7]

10 Ba ya'ugö, ba no ö'o'ö khögu, ba wamahaö andrö, ba ba gamuata, ba ba nilau dödö, ba ba wamati, ba ba wa'ebolo dödö andrö, ba ba wa'omasi, ba ba wanaha tödö, 11 ba wolohi andrö, ba ba wamakao andrö, si no göna ndra'o, ba Gandriokhia ba ba Nikonia ba ba Lisitera; no utaögö wolohi si manö, ba no i'efa'ö ndra'o So'aya, ba da'ö fefu.[8] 12 Ba dozi sedöna molo'ö li Lowalangi, ba khö Keriso Yesu, ba göna folohi dania.[9] 13 Ba ba niha si lö sökhi, samowöhö niha bö'ö, ba tedou-dou manö walösökhi, lafaelungu niha bö'ö, ba nifaelungu göi ira.

Famarou tödö khö Dimoteo[edit | edit source]

II. 14 Ba ya'ugö andrö, ba böi böhöli zi no örongo, awö zi no faduhu dödöu; me no ö'ila, ha khö örongo ia,[10] 15 awö wa no ö'ila zura ni'amoni'ö andrö, i'otarai iraono ndra'ugö, sangila mangatua-tua'ö ya'ugö, ba wangalui fangorifi ba mbanua furi andrö, soroi ba wamati andrö, khö Keriso Yesu.[11] 16 Fefu nösi zura andrö, ba Eheha Lowalangi zame'e ba dödö niha, ba moguna ia, ba wamahaö, ba ba wangotu'ö ba ba wanga'azökhi, ba ba wamamaha ba wa'atulö dödö,[12] 17 ena'ö mo'ahonoa genoni Lowalangi andrö, si no to'ölö ba ngawalö mbua-bua si sökhi andrö fefu.

Famotokhi ba gahe[edit | edit source]

  1. ↑ TimI 4:1 b.t.
  2. ↑ Rom 1:29 b.t.
  3. ↑ Fil 3:19
  4. ↑ Tit 1:16; Mat 7:15
  5. ↑ FetII 2:14
  6. ↑ MozII 7:11–22; HalZin 13:8–10; TimI 6:5
  7. ↑ MozII 7:12; 8:18; 9:11
  8. ↑ KorII 1:8–10; HalZin 13:50; 14:5–19
  9. ↑ FetI 4:12 b.t.; Yoh 15:18 b.t.
  10. ↑ Faigi 1:12–13
  11. ↑ Faigi 1:5; Yoh 5:39
  12. ↑ FetII 1:19–21

Fabaliŵa lala[edit source]

Olayama Zura Timoteo II: 1 • 2 • 3 • 4

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Timoteo_II/3&oldid=6229844"