Wb/nia/Timoteo II/1

Add links
From Wikimedia Incubator
< Wb‎ | nia‎ | Timoteo II
Wb > nia > Timoteo II > 1

Fangowai[edit | edit source]

I. 1 Faulo zanura da'e, sinenge Keriso Yesu andrö, moroi ba nilau dödö Lowalangi, dali wamabu'u fa'auri andrö, ba khö Keriso Yesu,[1] 2 khö Dimoteo andrö, ono omasiö khönia. Yafalukha'ö wa'ebua dödö, ba fa'ahakhö dödö, ba fa'ohahau dödö, khö Lowalangi Ama, ba khö Keriso Yesu, So'aya ya'ita![2]

Famarou ba wamaduhu'ö turia somuso dödö[edit | edit source]

II. 3 U'andrö saoha gölö khö Lowalangi, nifosumangegu, i'otarai ndra tuagu, lö sinegu dödögu khögu, lö aetu göi itörö ligu ndra'ugö, na mangandrö ndra'o, bongi ma'ökhö,[3] 4 oi so wehulu dödögu, ena'ö falukhado khöu, itörö tödögu daŵa höröu andrö, ena'ö fahöna khögu wa'omuso dödö.[4] 5 Me no tefasugi ba dödögu wamatimö andrö, si lö famini tödö, si no oföna monahia ba dödö gaweu Loise ba ba dödö ninau, Oinike, ba udöna-döna, ba dödöu göi.[5]

6 Da'ö mbörö, wa ufasugi ba dödöu, ena'ö öfado'ö game'ela Lowalangi andrö, si so ba dödöu, moroi ba wanufa högöu tangagu.[6] 7 Tenga sa Eheha sada'u-da'u nibe'e Lowalangi khöda, no Eheha sabölö, Eheha ba wa'omasi, Eheha ba wangonangegö nibe'enia khöda.[7]

8 Ba böi aila ndra'ugö, wamaduhu'ö turia Zo'aya ya'ita, ba böi aila'ö ba khögu andre, nitaha andrö khönia, yafao ndra'ugö wanaha famakao andrö, ba duria somuso dödö andrö, dali wa'abölö Lowalangi andrö,[8] 9 si no mangorifi ya'ita, si no mogaoni ya'ita, fogaoni ni'amoni'ö; tenga dali mbua-buada, dali nihonogöi dödönia, ba fa'ebua dödö andrö, si no falukha ita, ba khö Keriso Yesu, föna nga'ötö danö andrö,[9] 10 nifa'ele'ö iada'e, ba wa'ato'ele zangorifi ya'ita andrö, Keriso Yesu, si no mamakiko fa'amate andrö, ba si no mangasogö fa'auri ba fa lö tekiko, moroi ba duria somuso dödö andrö,[10] 11 ba nifataro ya'o sangombakha ba sinenge ba samahaö.[11]

12 Da'ö göi mbörö, wa utaögö zi mane da'ö, ba lö'ö sa aila ndra'o ba khönia; noa sa u'ila ha khö mamati ndra'o, ba no faduhu dödögu, abölö ia, tola i'irö'ö khögu nibe'e ba dangagu andrö, irugi luo safuria andrö dania.[12] 13 O'ö dulada wamahaö si ndruhu andrö, nirongou khögu, ba wamati, ba ba wa'omasi ba khö Keriso Yesu.[13] 14 Irö-irö'ö nibe'e khöu andrö, si sökhi andrö, yamutolo'ö Eheha ni'amoni'ö andrö, sonahia ba dödöda.[14]

Fanuno Genosiforo[edit | edit source]

III. 15 Noa sa örongo, wa no ahori la'erogö ndra'o si so ba Azia andrö, ira Figelo ba Hemogene.[15]

16 Yamuhakhösi tödö So'aya zoroiyomo Gonesiforo andrö, fefu, me no asese i'okafui dödögu, ba lö saila ia ba rategu andre.[16] 17 Me möi ia ba Roma, ba no iforege wangalui ya'o, ba no isöndra ndra'o. 18 Yamutolo ia So'aya, ena'ö falukha ia wa'ahakhö dödö khö Zo'aya, na luo safuria andrö dania; ba ha wa'ebua wanolonia ba Nefeso, ba no ya'ugö zabölö mangila.[17]

Famotokhi ba gahe[edit | edit source]

  1. ↑ TimI 1:1; YohI 2:25
  2. ↑ TimI 1:2
  3. ↑ HalZin 23:1
  4. ↑ Faigi 4:9–21
  5. ↑ HalZin 16:1
  6. ↑ TimI 4:14
  7. ↑ Rom 8:15
  8. ↑ Faigi 2:3; 4:5
  9. ↑ Tit 3:5; Efes 1:4–11
  10. ↑ Heb 2:14; KorI 15:55–57
  11. ↑ TimI 2:7
  12. ↑ Faigi 2:9; Kol 1:5
  13. ↑ Rom 6:17; TimI 6:3; Tit 2:1
  14. ↑ TimI 6:20
  15. ↑ Faigi 4:10–16
  16. ↑ Faigi 4:19
  17. ↑ Mat 5:7

Fabaliŵa lala[edit source]

Olayama Zura Timoteo II: 1 • 2 • 3 • 4

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Timoteo_II/1&oldid=6229842"