Wb/nia/Sefania/3
I. Horö Yeruzalema ba fotu dania
[edit | edit source]1 Alai mbanua andrö sabe'e tandro, si no ra'i-ra'iö, banua samakao awöra! 2 Lö lafondrondrongo goroisa ba lö ba dödöra wotu, lö manötöna khö Yehowa, ba lö la'ondrasi Lowalangira. 3 No timba zingo si ndröndröndröndrö zalaŵara, ba sanguhuku ba khöra, ba no timba nasu gatua, na bongi, lö lasaigö hadia ia irugi mahemolu mbanua.[1] 4 Sama'ele'ö andrö khöra, ba no si lö ngaroro, no niha si falimolimo; ere khöra, ba ra'i-ra'iö ni'amoni'ö labe'e, mosala ba goroisa ira.[2] 5 Ba no satulö Yehowa, ba khöra, lö ilau zi lö atulö; ero mahemolu ifa'ele'ö lala andrö khönia, lö italu'i, — ba ma'ifu lö i'ila aila niha si lö atulö![3] 6 No uhori niha baero; malige andrö khöra, ba no adudu; ba lala ba khöra, ba no lö niha ube'e, samösa lö sanörö: banuara, ba no adudu, si lö niha sa'ae, no ahori niha![4] 7 Ba no umane: "Ata'ufi manö ndra'o, o'ö wanegugu ya'ugö!" ba lö tehori nahiara, lö itörö niŵa'ögu nifatörö khöra, fefu. Ba si ndruhu, ba no lö atage ira ba wamahole fefu hadia ia nilaura![5] 8 Andrö midöna-döna manö khögu, iŵa'ö Yehowa, irugi luo maoso ndra'o sasi [udumi]. Me no huku khögu wangorudugö soi niha, fangowuloi amatöröŵa razo, ba wangahawui ya'ira fa'abao dödögu, alitö wönugu andrö fefu; i'a sa dania guli danö ma'asagörö alitö wönugu andrö.[6]
II. Amabu'ula li: götö wangorifi
[edit | edit source]9 Ba ba da'ö dania u'asogö ba niha mbewe si sökhi, ena'ö dozi la'angaröfi li döi Yehowa, ba ena'ö te'anö manö ira we'amöi enoninia. 10 Yefo nidanö Gaitiofia lafosumange ndra'o sumange nitaba, ba sumange ni'a labe'e khögu.[7] 11 Ba na luo da'ö, ba lö'ö sa'ae aila ndra'ugö golalöŵau andrö fefu, si no molalö ndra'ugö khögu. Na luo da'ö, ba uheta ba khömi zi fayaŵa, sa'iki ba khömi, ba lö'ö sa'ae fayaŵa ndra'ugö ba hili andrö khögu ni'amoni'ö.[8] 12 Ba usaigö khömi niha si numana, si lö fayaŵasa; da'ö dania zame'e saŵatöra töi Yehowa. 13 Ba si tosai Iraono Gizeraeli andrö, ba lö'ö sa'ae molalö; lö'ö sa'ae molau faya ira, ba lö'ö sa'ae falukha lela si falimo, ba mbawara; mangalui göra ira ba mörö dania lö sikeani ya'ira[9] 14 A'iki, ya'ugö ono Ziona alawe, mi'owua-wua'ö dödömi, ya'ami Iraono Gizeraeli! Omusoi'ö dödöu, ba a'iki, moroi si'aikö ba dödöu, ya'ugö ono Yeruzalema alawe![10] 15 No iböda wangotu'ö ya'ugö Yehowa, no itimba nemalimö andrö! No so ba khömi razo Ndraono Gizeraeli andrö, Yehowa: lö'ö sa'ae itörö ndra'ugö si lö sökhi. 16 Ba na luo da'ö, ba lamane ba mbanua Yeruzalema: Böi mibusi dödömi! Böi adada dangami, ya'ami Siona! 17 No so ba khömi Lowalangimi Yehowa, sabölö; möna ami ibe'e. Omuso dödönia ndra'ugö, owua-wua dödö; lö hede-hedenia, ba wa'omasinia andrö; ma'iki ia, owua-wua dödönia ndra'ugö. 18 Sabu tödö andrö, me lö lakhamö gowasa, ba u'ozaragö, no iwami ira, ba no tohare wa'aila. 19 Ba na luo da'ö, ba ulau ba zamakao ya'ugö, fefu; ba u'orifi zi no mangohole'ö ya'ira ba u'ozaragö zi no muzaewe, ba ubali'ö fanuno ya'ira ba fangebua döira wa'ailara andrö, ba guli danö ma'asagörö.[11] 20 Na luo da'ö, ba u'ohe mangawuli ami, na luo u'ozaragö ami. Ubali'ö nisuno sa'ae ami ba sebua töi, ba niha ba guli danö fefu, na ufuli utolo ami, ba zanehe ami, iŵa'ö Yehowa.
Famotokhi ba gahe
[edit | edit source]Fabaliŵa lala
[edit source]Olayama Zefania: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö