Wb/nia/Sefania/2
I. Famarou tödö ba wamalalini era-era[edit | edit source]
1 Mi'ide-ide'ö ami, ba tou manö mi'iagö, ya'ami, banua si lö fa'aila, 2 fatua tenga na amaedola ndrami wakhe ami, sihombo ba nangi, fatua lö'ö na itörö ami alitö wönu Yehowa andrö; fatua lö ikhamö ami baŵa wönu Yehowa?[1] 3 Mi'alui Yehowa, ya'ami fefu, si lö fayaŵasa, ba danö, ya'ami solau satulö andrö khönia! Fa'atulö dödö mifa'ua, ba fa lö fayaŵa mi'alui: ma atö te'orifi ami, na baŵa wönu Yehowa andrö![2]
II. Fameta'u Dawa Gana'ana[edit | edit source]
4 Si lö niha sa dania Gasa ba tanö si mate Gasikalo. Ba banua Gasoto, ba soloi ba zi laluo, nifeta'u, ba Ekerona, ba nidudugö, nifaulugö.[3] 5 Alai ami, ya'ami sihene asi, ya'ami Dawa Gereta! Khömi tetandrösaigö li Yehowa, ya'ugö tanö Gana'ana, tanö Ndrawa Wilisiti! Ufakiko ndra'ugö, uhori niha![4] 6 Ba tobali benua awuyu ndraso nasi andrö, tobali nahia gubalo ba nahia kandra mbiri-biri. 7 Ba ba zi tosai ma'uwu Yuda möi dania ndraso nasi andrö: ya'ira zokubaloi guriföra ba da'ö; ba nomo ba Gasikalo mörö ira na bongi; möi sa dania mamaigi ya'ira Lowalangira Yehowa, ba ifolala dödöra. 8 No urongo wango'aya Ndraono Moabi ba fanandraŵa Ndraono Gamoni, me la'o'aya mbanuagu ba me lafadöni khöra danöra.[5] 9 Andrö, faya wa no sauri ndra'odo — iŵa'ö Yehowa ngahönö, Lowalangi Ndraono Gizeraeli, — na lö itörö dania Ndraono Moabi si göna Zodoma no ba na lö itörö Ndraono Gamoni si göna Gomora; benua sabölö lato dania ba da'ö, ba ladu ba tanö si mate, si lö mamalö-malö: si tosai mbanuagu dania zangai si so khöra, si tosai mbanuagu zanema ondröitara.[6] 10 Börö wayaŵasara andrö, wa itörö ira da'ö, me no mango'aya ira ba me no lafakao mbanua Yehowa ngahönö. 11 Ifeta'u dania ira Yehowa, ariri sa dania Lowalangi ba guli danö fefu, ibe'e, ena'ö mangalulu khönia hulo niha baero fefu, i'otarai nahiania zamösana.[7]
III. Fameta'u Dawa Gaitiofia, awö Niniwe andrö, banua razo ba Ndrawa Asiria[edit | edit source]
12 Ba ya'ami göi, ya'ami Dawa Gaitiofia, ba ba mbawa zi'öli khögu mate ami! 13 Ba i'oro'ö dania dangania miyöu ba ifakiko Ndrawa Asiria ba ibali'ö adudula Niniwe, soköliköli, si mane tanö si mate,[8] 14 ena'ö ba dalu naha mbanua mörö-mörö mbiri-biri nikubaloi ba utu ndru'u ba danö: tumbao ba borokoa zi mörö ba gadudula nomo, li wofo tarongo ba mbawa zandrela, adudula ba mbawandruhö; bagolö eresi andrö, ba sabo'a.[9] 15 Hadia, da'ö mbanua sa'iki-iki andrö, somuso tödö, sidao-dao manö, lö hadia ia, sanguma'ö tödönia: Ya'odo, ba no tenga si manö mbanua bö'ö? Ha lö atobali börö wehokha mbu; no tobali nahia gutu ndru'u. Ha niha zanörö, ba fasi, ba ifangewe dangania.[10]
Famotokhi ba gahe[edit | edit source]
Fabaliŵa lala[edit source]
Olayama Zefania: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö