Wb/nia/Nakhumi/3
I. Börö horö Niniwe andrö, wa tefatörö khöra huku
[edit | edit source]1 Alai mbanua sange'enge'e andrö, si no fahöna falimosa ba famakaora awöra, si lö mamöhöli famara'u.[1] 2 Tarongo sa'ae li mbözi-bözi kudo! Tarongo werara gaolo gureta, awö kudo si mandruo, awö weruru gureta, ba si fakudo, si so moroi sa, 3 ba si'öli ba toho, oi takile! No ato tou nibunu, no fahöna manö mboto zi mate, no fadoro manö tou, tobali alau ita, tatendre mboto zi mate andrö. 4 Ba wa'asese horö ndra alawe sohorö andrö, ira alawe omasiö andrö, si no to'ölö ba wakelemusa, si no mamowöhö soi niha ba wohorönia andrö, ba samaelungu niha — ha soi ira — ba wakelemusania.[2] 5 Ba hiza, ba ulau khöu! iŵa'ö Yehowa ngahönö, ba ufahoi gu'imö, föna, ba u'oroma'ö ba niha zi lö balu-balu khöu, ufa'ele'ö ba gamatöröŵa niha zaila'ö.[3] 6 Ba uhawui ndra'ugö sogoro ita, ba aila'ö ube'e, ubali'ö fama'iki niha ndra'ugö, 7 ena'ö moloi dozi sangila ya'ugö, ba ena'ö lamane: No mududugö Niniwe! Ha niha zahakhö tödö ya'ira? Heza usöndra zondrara tödömi?
II. Itörö ira göi si göna No Amoni mege
[edit | edit source]8 Hadia, sökhi ami, moroi ba No Amoni andrö, ba mbewe Nilo, si no tefasui idanö, si so ba'a-ba'a asi ba öli idanö? 9 Fangabölöra Ndrawa Gaitiofia ba Dawa Miserayi, si lö mutaha mu'erai, ba awöra na Ndrawa Wuti ba Dawa Libia. 10 Ba no ni'oloi'ö göi ira, ni'osawuyu; ba ono sawuyu khöra ba no murasa ba watalinga newali fefu. Salaŵara, ba nilau dahö-dahö, ba sebuara fefu, ba niböbö. 11 Ba ya'ami göi, ba si mabu dania, si so ba zogömi-gömi, sangalui saŵatö föna nemali ami göi![4] 12 Hati andrö khömi fefu, ba no timba döla ara, si so bua sahulö; na lafadögö, ba atoru mbua, göna ba mbawa zi manga ya'ia. 13 Hiza, sabölö andrö ba khömi, ba no tobali ira alawe — teboka manö mbawa göli ba danömi, alitö zi manga lazi khömi![5] 14 Mita'u khömi nidanö, soguna na lasuwö ami! Mi'a'aro'ö hatimi! Mihundra-hundra lömbu za'ua, mitutu la'uri, mituyu golabuta gara tembo! 15 Ba da'ö i'a ami alitö, ahori ami ba mbawa zi'öli, timba wemanga larewe, he oya sibai ami ua, si mane fali.[6]
III. I'ohia'ö wa'abölöra föna fa'abölö wa'atekikora
[edit | edit source]16 No oya moroi ba ndröfi ba mbanua si yaŵa zaniaga andrö khöu, ba latörö föla andrö, ba humombo misa. 17 No timba larewe zalaŵami, ba kumandra andrö khömi, ba no timba damo, si mörö-mörö ba zinga göli kara, na oafu ira, ba na tumbu luo, ba moloi ira, ba lö sangila, heza lasaŵa. 18 Kubalo andrö khöu, ya'ugö razo Asiria, ba manuköu, ba salaŵa andrö khöu, ba no mörö-mörö tou; banuau, ba no muzaewe ba hili misa, lö sangowuloi ya'ira! 19 Lö fangokafu wökhöu andrö, ba lö famadöho zokhou. Dozi samondrongo turiamö, ba lalau datawo, ba khömö andrö; ha niha na sa, zi lö öfakao mege, si lö mamalö-malö?
Famotokhi ba gahe
[edit | edit source]Fabaliŵa lala
[edit source]Olayama Nakhumi: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö