Wb/nia/Nakhumi/2
I. Terongo ba Yeruzalema, wa no lasuwö Niniwe, awö wa no atu'a zanuwö[edit | edit source]
1 Hiza moroi sa ba hili zangombakha turia somuso dödö, wa lö fanuwö sa'ae. Milau gowasa khömi, ya'ami mado Yuda, mitörö nifabu'umi andrö, lö'ö sa'ae latörö ami samakiko andrö, no mu hori ira, lö si tosai.[1] 2 So moroi sa khömi zanudugö! Midarodarogö hatimi andrö! Böi aefa-aefa ba lala hörömi! Mi'abe'e'ö dödömi, mihaogö wama'anö ya'ami! 3 Ifuli i'a'azökhi wa'asalaŵa ma'uwu Yakobo Yehowa, ba he fa'asalaŵa Ndraono Gizeraeli; noa sa larabu si faraburabu andrö, no lafufu lewiö.[2] 4 No oyo mbaluse zabölö andrö khönia, baru luo mbaru zi möi fasuwö andrö; hulö galitö wa'atakile zi'öli andrö ba gureta, na ifa'anö, ba lafangaha doho. 5 Murara gureta ba newali, ladörödöröi golayama; hulö zulu, wamaigida, timba gari mbanua, na latörö. 6 Itörö tödönia zalaŵa andrö khönia: alau-lau ira ba lala, si fulöi ira, lasaŵa göli mbanua — ba lafazökhi sa'ae mba'a-ba'a. 7 Ba labokai sa'ae mbawa göli ba nidanö, ba si taya gödo. 8 Ba no muhonogöi: ni'oloi'ö ia, ni'ohe misi yaŵa, ba mangarö-ngarö genoninia ono alawe, hulö li marafadi lira, ba labözi dötö'ara. 9 No timba mbaŵa nidanö Niniwe, i'otarai föna, sa'ae, ba moloi zui ira. "Mibadugö ami! Mibadugö ami!" — ba samösa lö samali'ö ya'ia furi.[3] 10 Mihalö wirö, mihalö gana'a! Me no si fahöna girö-girö; no oya sibai ngawalö gama-gama sebua böli. 11 Tobali si lö'ö sa'ae, si lö ösi sa'ae, no adudula, ba tödö si no atalö ba balöduhi sanizi-nizi, ba dozi sola, ba akandro, ba dozi bawa, ba afusi![4]
II. Awai sa'ae wamakaora niha bö'ö[edit | edit source]
12 Heza so nahia zingo andrö, naha andrö ba ni'e'ebua ono zingo, nidörödörö zingo si matua ba singo si alawe ba ono zingo, lö si keani ya'ira?[5] 13 Mondra'undra'u mege zingo, irege abönö ö nononia, ba mange'enge'e, ö zi alawenia; ihöna gahuluania ba nahiania tögi narö gara, ba ondra'uania ba wörömania. 14 Hiza, ulau khöu! iŵa'ö Yehowa ngahönö, ba utunu ba galitö gureta khöu, ba ö mbawa zi'öli nono zingo andrö khöu. Ba uhori ba danö gondra'uamö andrö, ba lö'ö sa'ae terongo li zinengemö!
Famotokhi ba gahe[edit | edit source]
Fabaliŵa lala[edit source]
Olayama Nakhumi: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö