Wb/nia/Mataio/22/he wisa ba wemaoso zi mate andrö, ba

From Wikimedia Incubator
< Wb‎ | nia‎ | Mataio
FAZA 22

(A. 22, 23—33: Mar. 12, 18—27: Luk. 20, 27—39)

23 III. Me luo daʼö möi khönia zadukaio andrö, sangumaʼö lö femaoso zi mate, ba lasofu khönia,[1]

24 lamane: He samahaö, no iŵaʼö Moze, na so zi mate niha, si lö ono, ba yamuʼowalu woʼomonia talifusönia, yamufongaʼötö dalifusönia andrö.[2]

25 Ba no so ba khöma, dafitu si fatalifusö, ba mangowalu zi aʼa ba mate; ba me lö ononia, ba khö nakhinia woʼomonia.

26 Si manö göi wanete daʼö ba fanete zi darua, irugi dafitu ira.

27 Ba ba gafuriata, furira fefu, ba mate göi galawe andrö.

28 Ba ba wemaoso zi mate andrö, ba ha foʼomo ia ba zi dafitu andrö? noa saʼae dozi zangai yaʼia.

29 Ba itema lira Yesu, imane khöra: Selungu ami, lö saboto ba dödömi zura ba lö saboto ba dödömi waʼabölö Lowalangi andrö.

30 Ba wemaoso zi mate andrö sa, ba lö mangowalu ira, ba lö möi nihalö, hulö malaʼika Lowalangi andrö ba zorugo saʼae ira.[3]

31 Ba ba wemaoso zi mate andrö, ba hadia, lö nibasomi niŵaʼö Lowalangi khömi, me imane:[4]

32 ”Lowalangi Gaberahamo ndraʼo ba Lowalangi Gizaʼaki ba Lowalangi Yakobo?” Ba tenga Lowalangi zi mate ia, no Lowalangi zauri.

33 Ba me larongo daʼö niha sato, ba tobali dödöra ba wamahaönia andrö.


(Mataio 22:23-33)


Famotokhi ba gahe[edit | edit source]

  1. (Hal. zin. 23, 6. 8)
  2. (Moz. V. 25, 5)
  3. (Luk. 20, 35)
  4. (Moz. II. 3, 6)


Faza 22: Amaedola; Falöŵa (22:1-14) | Lasofu, na labeʼe mbeo, ba na löʼö, ba (22:15-22) | he wisa ba wemaoso zi mate andrö, ba (22:23-33) | hadia zebua goroisa (22:34-40) | Ha maʼuwu Keriso? (22:41-45)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior