Wb/nia/Mataio/22/Amaedola; Falöŵa

From Wikimedia Incubator
< Wb‎ | nia‎ | Mataio
FAZA 22

1 I. Ba humede Yesu, amaedola zui ilau khöra, imane:[1]

2 No fakhilikhili ira mbanua zorugo andrö razo niha, samangowalu ononia.

3 Ba ifatenge zawuyunia, ba wehede ba zi ho kumaoni, ba weʼamöi ba walöŵa, ba lö edöna möi ira.

4 Ba ifuli ifatenge zawuyu böʼö, imane: Mimane ba zi ho kumaoni andrö: Hiza, no uʼasiwai gö andrö khögu, öröbao khögu ba hadia ia gurifö niʼaʼatabö, ba no tumaba ba no awai fefu hadia ia, mitabu ba walöŵa.

5 Ba lö ba dödöra; mofanö ira, so zi möi ba nowi khönia, ba so zi möi maniaga.

6 Ba tánö böʼö, ba laraʼu zawuyunia andrö, laʼoʼaya ba labunu.[2]

7 Ba mofönu razo no mege, ba ifatenge zaradadunia, ifafakikoʼö zangeʼe andrö ba banuara, ba ifatunuʼö.[3]

8 Aefa daʼö, ba imane ba zawuyunia: Noa sa mulau walöŵa, ba tenga si nangea möi nikaoni andrö.[4]

9 Ba miʼae ba wabaliŵa lala misa, ba ha waʼato zi falukha ami, ba mikaoni ba walöŵa.

10 Ba möi ba lala zawuyu no mege, ba laʼozaragö fefu zi falukha ira, si sökhi, awö zi lö sökhi, ba afönu niha si manga naha walöŵa.

11 Ba me möi baulu razo, ba wamaigi si manga andrö, ba iʼila zamösa ba daʼö, si lö baru ba walöŵa.[5]

12 Ba imane khönia: He le, hadia wa möiʼö yomo ba daʼe, ba lö baru ba walöŵa? Ba lö hedehedenia.

13 Ba imane razo ba genoni: Miböbö gahenia ba tangania, ba mitiboʼö ia ba zogömigömi, baero sibai; ba fegeʼege dania ba daʼö ba fatangisa mboha.[6]

14 Ato sa nikaoni, ba lö ato nitutuyu.[7]


(Mataio 22:1-14)


Famotokhi ba gahe[edit | edit source]

  1. (A. 2—14: Luk. 14, 16—24)
  2. (F. 21, 35. 36)
  3. (Dan. 9, 26)
  4. (Hal. zin. 13, 46)
  5. (Yes. 61, 10. Efes. 4, 22—24)
  6. (F. 8, 12)
  7. (F. 20, 16)


Faza 22: Amaedola; Falöŵa (22:1-14) | Lasofu, na labeʼe mbeo, ba na löʼö, ba (22:15-22) | he wisa ba wemaoso zi mate andrö, ba (22:23-33) | hadia zebua goroisa (22:34-40) | Ha maʼuwu Keriso? (22:41-45)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior