Wb/nia/Mataio/19/Ha waraö isöndra lala wangorifi soʼanaʼa

FAZA 19

(A. 19, 23—30: Mar. 10, 23—31: Luk. 18, 24—30)

23 IV. Ba imane Yesu ba nifahaönia: Si ndruhu niŵaʼögu khömi, afökhö sibai ba zoʼanaʼa wogamö banua zorugo andrö.^[1]

24 Ba uŵaʼö göi khömi, aoha na i itörö dögi walölöŵa kudo, moroi ikhamö mbanua zorugo soʼanaʼa.^[2]

25 Ba me larongo daʼö nifahaönia, ba tobali sibai dödöra, ba lamane: Ba ha niha zogamö faʼauri?

26 Ba ifaigi ira Yesu ba imane khöra: Na ba niha, ba tebai; ba ba Lowalangi, ba molala fefu hadia ia.^[3]

27 Ba humede Wetero, imane khönia: Faigi ndraʼaga, no maröi fefu hadia ia ba no maʼoʼö ndraʼugö, ba hadia khöma dania?^[4]

28 Ba imane khöra Yesu: Si ndruhu niŵaʼögu khömi, yaʼami soloʼö yaʼo, ba ba wangazökhi dania, na mudadao Nono Niha ba dadaoma lakhöminia andrö, ba dumadao göi ami, felendrua dadaoma ba sanguhuku mado Gizeraëli andrö, si felendrua, ami.^[5]

29 Ba dozi si no mondröi talifusö matua, ba ma talifusö alawe, ba ma ama, ba ma ina, ba ma ono, ba ma benua, na börö döigu, ba oya winaeta lasöndra mangawuli, ba latema waʼauri si lö aetu andrö, amaedola gondröita.

30 Ba ato zi möi furi dania si so föna iadaʼe, ba si möi föna, si so furi iadaʼe.^[6]

(Mataio 19:23-30)

Famotokhi ba gahe[edit | edit source]

↑ (Tim. I. 6, 9)
↑ (F. 13, 22)
↑ (Luk. 1, 37)
↑ (F. 4, 20)
↑ (F. 25, 31. Luk. 22, 28 b. t. Fam. 3, 21. Kor. I. 6, 2)
↑ (F. 20, 8. 16. Luk. 13, 30)

Faza 19: Lasofu, na tola itiboʼö ngambatönia niha (19:1-12) | Ifahowuʼö ndraono Yesu (19:13-15) | Ono matua andrö, soʼanaʼa (19:16-22) | Ha waraö isöndra lala wangorifi soʼanaʼa (19:23-30)

Halöŵö si fakhai: Wikikamus | Wikipedia | Wikiyunior

[1] (Tim. I. 6, 9)

[2] (F. 13, 22)

[3] (Luk. 1, 37)

[4] (F. 4, 20)

[5] (F. 25, 31. Luk. 22, 28 b. t. Fam. 3, 21. Kor. I. 6, 2)

[6] (F. 20, 8. 16. Luk. 13, 30)

[1]

[2]

[3]

[4]

[5]

[6]