Wb/nia/Mataio/19/Lasofu, na tola itiboʼö ngambatönia niha
(A. 19, 1—9: Mar. 10, 1—12)
1 I. Ba me no iʼoʼozui Yesu huhuo andrö, ba iheta ia ba Galilaia, isaŵa danö Yudaia, yefo Yoridano.
2 Ba ato zoloʼö yaʼia niha, ba ifadöhö wökhöra ba daʼö.
3 Ba möi khönia warizaio, latandraigö ia, lamane: Hadia, tola itiboʼö ngambatönia niha, gofu hadia mbörö?[1]
4 Ba itema li, imane: Hadia, lö niʼilami ba zura, wa ira matua ba ira alawe nifazökhi zomböi ba mböröta?[2]
5 ba no imane: ”Andrö iröi dania namania, awö ninania, niha, ba iʼolembai ngambatönia, ba tobali ha sambua boto zi darua andrö”?[3]
6 Ba tenga saʼae darua ira, ha sambua boto. Ba böi yamufabali niha nifaböbö Lowalangi.[4]
7 Lamane khönia: Ba hana wa no iʼoroiʼö Moze labeʼe zura wangefa, ba latiboʼö ia?[5]
8 Imane khöra: Börö waʼabeʼe dödömi, wa itehe khömi Moze waniboʼö ira alawemi; ba moroi ba mböröta, ba tenga si manö.
9 Ba uŵaʼö khömi: Na so zaniboʼö ira alawenia, na tenga horö mbörö, ba na ihalö dánö böʼö, ba sohorö daʼö.[6]
10 Lamane khönia nifahaönia: Na si manö huku niha ba ndra alawe, ba lö sökhi wangowalu.[7]
11 Ba imane khöra: Lö dozi aboto ba dödö huhuo andre, ha ba nibeʼe faʼaboto ba dödö.[8]
12 So sa nikhai, si no tohöna si manö, moroi ba dalu nina; ba so nikhai, nikhai niha, ba so nikhai, si no mogai yaʼira tangara, börö mbanua zorugo andrö. Sangila mamotokhi ba dödönia, ba yamubotokhi.[9]
Famotokhi ba gahe[edit | edit source]
- ↑ (Mar. 10, 8)
- ↑ (Moz. I. 2, 27; 5, 2),
- ↑ (Moz. I. 2, 24. Efez. 5, 31)
- ↑ (Kor. I. 7, 10)
- ↑ (F. 5, 31)
- ↑ (F. 5, 32. Luk. 16, 18)
- ↑ (Kor. I. 7, 1)
- ↑ (Kor. I. 7, 2; 7, 17)
- ↑ (Kor. I. 7, 26. 32 b. t. Tim. I. 4, 3. Tim. II. 3, 6)
Faza 19: Lasofu, na tola itiboʼö ngambatönia niha (19:1-12) | Ifahowuʼö ndraono Yesu (19:13-15) | Ono matua andrö, soʼanaʼa (19:16-22) | Ha waraö isöndra lala wangorifi soʼanaʼa (19:23-30)
Fanolo ba wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö
Fabaliŵa lala: Olayama | Angombakhata | Bawagöli zato | Irö'öta | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö