Wb/nia/Galatia/1
Fangowai[edit | edit source]
I. 1 Faulo zanura da'e, sinenge, tenga moroi ba niha ba tenga göi nifa'ema niha khönia, moroi khö Yesu Keriso ba moroi khö Lowalangi Ama, si no manusugi ya'ia moroi ba ngai zi mate,[1] 2 ba talifusö andrö, awögu, fefu: ba mbanua andrö misa, ba Galatia mafa'ohe'ö.[2] 3 Yafalukha ami wa'ebua dödö ba fa'ohahau dödö, khö Lowalangi Ama, ba khö Zo'aya ya'ita, Yesu Keriso,[3] 4 si no mame'e ya'ia, ba horöda andrö, ena'ö i'efa'ö ita ba nösi guli danö andre, si lö sökhi, dali zomasi Lowalangi, Amada,[4] 5 nifosumange irugi zi lö aetu. Yaduhu.[5]
Fangarönia me ambö wa'aro dödö niha Galatia[edit | edit source]
II. 6 Ahöli-höli dödögu, me no alio sibai mifaheta'ö ami ba zogaoni ya'ami ba wa'ebua dödö Keriso andrö, me no alio mi'otahögö duria somuso dödö bö'ö.[6] 7 Ba lö'ö sa tanö bö'ö, ha ba niha andrö ösa, samakuyu ya'ami, sedöna mamalia'ö turia somuso dödö andrö khö Keriso.[7] 8 Ba he na ya'aga, ba ma mala'ika moroi ba zorugo, zangombakha khömi turia somuso dödö bö'ö si tenga ni'ombakha'öma khömi, ba yagöna ia fangelifi![8] 9 Si mane fanguma'öma föna, si manö göi ufuli uŵa'ö iada'e: na zo zangombakha khömi turia somuso dödö, si lö faudu ba nitemami andrö, ba yagöna ia fangelifi! 10 Hadia sa iada'e, hadia, ena'ö faduhu dödö niha khögu u'alui, ba ma ena'ö faduhu dödö Lowalangi khögu? Hadia, ena'ö la'omasi'ö ndra'o niha u'alui? Na u'alui na, ena'ö la'omasi'ö ndra'o niha, ba tenga enoni Keriso ndra'odo ena'ö.[9]
Famaduhu'ö wa turia somuso dödö tenga moroi ba niha[edit | edit source]
III. 11 Ba lö ubini'ö khömi, ya'ami ira talifusö: ba duria somuso dödö andrö, ni'ombakha'ögu, ba tenga dali niha.[10] 12 Ba tenga sa göi nitemagu ba niha, ba tenga nifahaö ndra'odo, no moroi ba wama'ele'ö Yesu Keriso ia. [11] 13 Noa sa mirongo gamuatagu föna, ba huku ba niha Yehuda, wa no uforege wolohi banua Lowalangi, wa no ufakiko [12] 14 ba no' ato utalu'i si fazia-zia'a khögu, iwama, ba huku ba niha Yehuda andrö, ba no uforege, ba wolo'ö nifa'ema ndra tuama.[13] 15 Ba me no omasi zi no mangoniagö ya'o, moroi ba dalu ninagu, si no mogaoni ya'o, ba wa'ebua dödönia,[14] 16 ifa'ele'ö Nononia andrö ba dödögu, ena'ö uturiagö ia ba niha baero, ba i'anema'ö lö ube'e dali niha,[15] 17 lö'ö göi si möido misi yaŵa ba Yeruzalema, ba khöra si no sinenge fönagu; möido ba danö Ndrawa Ara, ba ufulido zui ba Ndramaseko. 18 Awena dania, medölu fakhe furi ö, ba möido misi yaŵa ba Yeruzalema, ena'ö falukhado khö Gefa, ba felelima wongigu khönia;[16] 19 ba sinenge bö'ö, ba lö ni'ilagu, ha Yakobo, talifusö Zo'aya andrö.[17] 20 Ba hadia nisuragu, ba hiza, anehe Lowalangi, wa tenga sofaya ndra'odo.[18] 21 Ba awena möido ba mbanua Ziria misa ba ba mbanua Gilikia andrö. 22 Ba lö'ö sa marai fa'ila bawa mbanua Keriso ba Yudaia. 23 Ha da'ö nirongora: Solohi ya'ita föna, ba ituriagö iada'e wamati andrö, nifakikonia föna, 24 ba lasuno Lowalangi ba khögu andre.
Famotokhi ba gahe[edit | edit source]
- ↑ Tit 1:3
- ↑ KorI 16:1
- ↑ Efes 1:2; YohII 3
- ↑ Faigi 2:20; Mat 20:28; Efes 5:2; YohI 5:19
- ↑ TimII 4:18
- ↑ Faigi 5:8; KorII 11:4
- ↑ Faigi 5:10; HalZin 15:1,24
- ↑ KorI 16:22
- ↑ TesI 2:4
- ↑ KorI 15, b.t.
- ↑ HalZin 26:16
- ↑ HalZin 26:4 b.t.; TimI 1:13
- ↑ HalZin 22:3
- ↑ HalZin 9:15; Efes 3:7
- ↑ Mat 11:27; HalZin 26:16 b.t.; Efes 3:8 b.t.
- ↑ HalZin 9:26
- ↑ Faigi 2:9; HalZin 12:17; Mat 13:55
- ↑ Rom 9:1
Fabaliŵa lala[edit source]
Olayama Zura Galatia: 1 • 2 • 3 • 4 • 5 • 6
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö